വാരണാസി (ഉത്തര്പ്രദേശ്): വാരാണസി ലോക്സഭാ മണ്ഡലത്തില് ബിജെപിയുടെ വിജയത്തില് ആത്മവിശ്വാസം പ്രകടിപ്പിച്ച് പ്രധാനമന്ത്രി നരേന്ദ്ര മോദിക്ക് അനുകൂലമായി രാജ്യത്തുടനീളം വലിയ തരംഗമാണ് നടക്കുന്നതെന്ന് പാര്ട്ടി നേതാവ് തേജസ്വി സൂര്യ.
രാജ്യത്തുടനീളം പ്രധാനമന്ത്രി മോദിക്ക് അനുകൂലമായി വലിയ തരംഗമാണ്. ലോകത്തിലെ ഏറ്റവും പഴക്കം ചെന്ന നഗരങ്ങളിലൊന്നാണ് വാരണാസി. നരേന്ദ്ര മോദിയുടെ ലോക്സഭാ മണ്ഡലം കൂടിയാണിത്. ജനങ്ങള്ക്കിടയില് വളരെയധികം ആവേശമുണ്ട്. നാമെല്ലാവരും ജൂണ് ഒന്നിന് കാത്തിരിക്കുകയാണെന്നും അദേഹം പറഞ്ഞു.
ലോക്സഭാ തെരഞ്ഞെടുപ്പിന്റെ അവസാന ഘട്ടമായ ജൂണ് ഒന്നിന് വാരാണസിയില് വോട്ടെടുപ്പ് നടക്കും. ദല്ഹി മുഖ്യമന്ത്രി അരവിന്ദ് കെജ്രിവാളിന് സുപ്രീം കോടതി നല്കിയ ഇടക്കാല ജാമ്യത്തോട് പ്രതികരിച്ചുകൊണ്ട് സൂര്യ പറഞ്ഞു: ‘അരവിന്ദ് കെജ്രിവാളിന് നല്കിയ ജാമ്യം അസാധാരണമാണ്.
നാമെല്ലാവരും ജുഡീഷ്യറിയെ ബഹുമാനിക്കുന്നു. കെജ്രിവാളിന് ജാമ്യം ലഭിച്ച അതേ മാനദണ്ഡപ്രകാരം ഹേമന്ത് സോറന് (മുന് ജാര്ഖണ്ഡ് മുഖ്യമന്ത്രി) ജാമ്യം ലഭിച്ചില്ല. എന്നാല് ജാമ്യ കാലാവധി കഴിഞ്ഞതോടെ കെജ്രിവാള് ജയിലിലേക്ക് പോകുകയാണ്. തനിക്കെതിരായ കേസ് തെളിഞ്ഞാല് ലാലു പ്രസാദ് യാദവിനെപ്പോലെ കെജ്രിവാളും രാഷ്ട്രീയത്തില് നിന്ന് പുറത്തുപോകുമെന്നും അദ്ദേഹം പറഞ്ഞു.
