കോഴിക്കോട്: പ്ലസ് വണ്ണിന് മലബാറില്‍ അധിക സീറ്റുകള്‍ അനുവദിച്ചില്ലെങ്കില്‍ സര്‍ക്കാറിനെ ജനങ്ങള്‍ താഴെ ഇറക്കുമെന്ന് മുസ്‌ളീം ലീഗ് അഖിലേന്ത്യ ജനറല്‍ സെക്രട്ടറി പി.കെ. കുഞ്ഞാലിക്കുട്ടി പറഞ്ഞു.സീറ്റ് പ്രതിസന്ധിക്ക് അടിയന്തര പരിഹാരം ആവശ്യപ്പെട്ട് മുസ്ലിം ലീഗ് എംഎല്‍എമാര്‍ വ്യാഴാഴ്ച മുഖ്യമന്ത്രിയെ കാണും.
പ്ലസ് വണ്‍ സീറ്റ് പ്രതിസന്ധിക്ക് പരിഹാരം ആവശ്യപ്പെട്ട് വടക്കന്‍ കേരളത്തിലെ കലക്ടറേറ്റുകളിലേക്ക് മുസ്ലിം ലീഗ് പ്രതിഷേധ പ്രകടനം നടത്തി.
അധിക ബാച്ചുകള്‍ക്ക് പകരം മാര്‍ജിനല്‍ സീറ്റ് വര്‍ധന നടപ്പാക്കിയാലും ചുരുങ്ങിയത് 55000 വിദ്യാത്ഥികളെങ്കിലും പുറത്തിരിക്കേണ്ടിവരുമെന്നാണ് കണക്ക്. കോഴിക്കോട് കളക്ടറേറ്റിനു മുന്നിലെ പ്രതിഷേധം ദേശീയ ഓര്‍ഗനൈസിംഗ് സെക്രട്ടറി ഇ ടി മുഹമ്മദ് ബഷീര്‍ ഉദ്ഘാടനം ചെയ്തു.
പാലക്കാട് കളക്ടറേറ്റിലേക്ക് നടന്ന പ്രകടനം മുസ്‌ളീം ലീഗ് ജനറല്‍ സെക്രട്ടറി പി.എം.എ സലാം ഉദ്ഘാടനം ചെയ്തു.നിയമസഭ സമ്മേളനം തുടങ്ങിയാല്‍ പ്രതിഷേധം തിരുവനന്തപുരത്തേക്ക് വ്യാപിപ്പിക്കാനാണ് ആലോചന.വിഷയം സഭയിലും അവതരിപ്പിക്കും.
പ്രതികരിക്കാൻ ഇവിടെ എഴുതുക: