പട്ന: കോളജ് കാംപസില്‍ വിദ്യാര്‍ത്ഥിയെ മര്‍ദിച്ചുകൊന്ന കേസിലെ മുഖ്യപ്രതി അറസ്റ്റില്‍. കഴിഞ്ഞവര്‍ഷം നടന്ന ആഘോഷപരിപാടിയിലെ തര്‍ക്കത്തെച്ചൊല്ലിയുള്ള പകയാണ് ഇരുപത്തിരണ്ടുകാരന്റെ കൊലയിലേക്ക് നയിച്ചതെന്നാണ് നിഗമനം.
പട്ന ബിഎന്‍ കോളജിലെ വൊക്കേഷണല്‍ ഇംഗ്ലീഷ് മൂന്നാംവര്‍ഷ വിദ്യാര്‍ത്ഥിയായ ഹര്‍ഷ് രാജാണ് കഴിഞ്ഞദിവസം മുഖംമൂടി ധാരികളുടെ ആക്രമണത്തില്‍ കൊല്ലപ്പെട്ടത്.
സുല്‍ത്താന്‍ഗഞ്ച് കോളജില്‍ പരീഷയെഴുതാന്‍ എത്തിയതായിരുന്നു ഹര്‍ഷ് രാജ്. മുഖംമൂടി ധരിച്ചെത്തിയ ഒരു സംഘം യുവാവിനെ ആക്രമിക്കുകയായിരുന്നു. അക്രമത്തിന്റെ മുഖ്യസൂത്രധാന്‍, പട്ന കോളജിലെ അവസാനവര്‍ഷ വിദ്യാര്‍ത്ഥി ചന്ദന്‍ യാദവാണ് അറസ്റ്റിലായത്.
കഴിഞ്ഞവര്‍ഷത്തെ ദസ്‌റ ആഘോഷത്തിനിടെ രണ്ട് സംഘമായി തിരിഞ്ഞ് തര്‍ക്കമുണ്ടായിരുന്നു. ഇതാണ് കൊലപാതകത്തിലേക്ക് നയിച്ചതെന്നാണ് സൂചന.
പ്രതികരിക്കാൻ ഇവിടെ എഴുതുക: