ന്യൂദല്‍ഹി : ഭരണഘടനയുടെ ആമുഖം ആദ്യമായി തിരുത്തിയത് മുന്‍ പ്രധാനമന്ത്രി ഇന്ദിരാ ഗാന്ധിയാണെന്നും ബിജെപി ഒരിക്കലും അതു ചെയ്യില്ലെന്നും പ്രതിരോധമന്ത്രി രാജ്‌നാഥ് സിങ്. ബിജെപി ഒരിക്കലും സംവരണം അവസാനിപ്പിക്കില്ലെന്നും ദേശീയമാധ്യമത്തിനു നല്‍കിയ അഭിമുഖത്തില്‍ രാജ്‌നാഥ് സിങ് വ്യക്തമാക്കി.
1976ലാണ് ആദ്യമായി ഭരണഘടനയുടെ ആമുഖത്തില്‍ മാറ്റം വരുത്തുന്നത്. ഇന്ദിരാ ഗാന്ധിയാണ് അതു ചെയ്തത്. കോണ്‍ഗ്രസും മറ്റ് രാഷ്‌ട്രീയ പാര്‍ട്ടികളും ഒട്ടേറെത്തവണ അതു ചെയ്യുന്നുണ്ട്. ഇപ്പോള്‍ അവര്‍ ഞങ്ങളെ കുറ്റപ്പെടുത്തുന്നു. ആമുഖത്തില്‍ മാറ്റം വരുത്തുന്നതിനെക്കുറിച്ച് ബിജെപി ഒരിക്കലും ചിന്തിച്ചിട്ടുപോലുമില്ല, രാജ്‌നാഥ് സിങ് പറഞ്ഞു.
ബിജെപി അധികാരത്തിലെത്തിയാല്‍ ഭരണഘടന കീറിക്കളയുമെന്ന കോണ്‍ഗ്രസ് നേതാവ് രാഹുല്‍ ഗാന്ധിയുടെ പ്രസ്താവനയോടുള്ള പ്രതികരണമായാണ് രാജ്‌നാഥ് സിങ് ഇക്കാര്യം പറഞ്ഞത്.
ജാതി അടിസ്ഥാനത്തിലുള്ള സംവരണം അവസാനിപ്പിക്കാന്‍ ബിജെപിക്ക് പദ്ധതിയില്ലെന്നും രാജ്‌നാഥ് പറഞ്ഞു. മതാടിസ്ഥാനത്തില്‍ ഒരിക്കലും സംവരണം അനുവദിക്കില്ല. പട്ടികവര്‍ഗം, ഒബിസി വിഭാഗങ്ങളില്‍പ്പെടുന്നവര്‍ക്ക് സംവരണം വേണം. മതാടിസ്ഥാനത്തില്‍ സംവരണം വേണമെന്നാണ് പ്രതിപക്ഷം ആവശ്യപ്പെടുന്നത്. അത് ഭരണഘടന അനുവദിക്കുന്നതല്ല, രാജ്‌നാഥ് സിങ് തുടര്‍ന്നു.
പ്രതികരിക്കാൻ ഇവിടെ എഴുതുക: