അഞ്ചല്: ചിതറയില് ഓട്ടോറിക്ഷ ഡ്രൈവറും ഭാര്യയും തൂങ്ങിമരിച്ച നിലയില്. പേഴുമൂട്, റോഡുവിള വീട്ടില് സിന്ധുകുട്ടന് എന്നു വിളിക്കുന്ന ധര്മരാജനും (53) ഭാര്യ മായയുമാണ് (45) തൂങ്ങിമരിച്ച നിലയില് കാണപ്പെട്ടത്. വീടിന് സമീപത്തുള്ള റബ്ബര് പുരയിടത്തിലാണ് ഇരുവരേയും തൂങ്ങിമരിച്ച നിലയില് കണ്ടെത്തിയത്
സാമ്പത്തിക ബാധ്യതയെത്തുടര്ന്ന് ഇരുവരും ആത്മഹത്യ ചെയ്തതായാണ് പ്രഥമിക വിവരം. രണ്ട് റബ്ബര് മരങ്ങളിലായാണ് ഇവര് തൂങ്ങി നില്ക്കുന്നതായി പ്രദേശവാസികള് കണ്ടത്. സമീപത്തായി രണ്ട് കസേരകളും മറിഞ്ഞ നിലയില് കിടപ്പുണ്ട്.
സാമ്പത്തിക പ്രശ്നങ്ങളുമായി ബന്ധപ്പെട്ട പരാതിയെത്തുടര്ന്ന് കഴിഞ്ഞദിവസം ഇവരെ കൊട്ടാരക്കര റൂറല് എസ്പിഓഫീസില് വിളിപ്പിച്ചിരുന്നതായി ബന്ധുക്കള് പറയുന്നു. ഇവരില് നിന്ന് ആത്മഹത്യാകുറിപ്പ് പോലീസ് കണ്ടെത്തിയിട്ടുണ്ട്. മകന് സോനു വിദേശത്താണ്. മകള് സോന പ്ലസ്ടു വിദ്യാര്ത്ഥി.
