കടലൂര്‍ : ടൂത്ത് പേസ്റ്റെന്നു കരുതി എലിവിഷം കൊണ്ട് പല്ലുതേച്ച നാല് കുട്ടികള്‍ ആശുപത്രിയിലായി. തമിഴ്നാട് കടലൂരില്‍ ആണ് സംഭവം.
വിരുദാചലം കൊട്ടാരക്കുപ്പം സ്വദേശി മണികണ്ഠന്റെയും സഹോദരിയുടെയും മക്കളാണ് ആശുപത്രിയില്‍ ചികിത്സയിലുളളത്. മണികണ്ഠന്റെ മക്കളായ അനുഷ്‌ക, ബാലമിത്രന്‍, സഹോദരിയുടെ മക്കളായ ലാവണ്യ, രശ്മിത എന്നിവരാണ് കടലൂര്‍ മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്നത്.
ടൂസ്റ്റ് പേസ്റ്റിന്റേത് സമാനമായി ട്യൂബിലുണ്ടായിരുന്ന എലിവിഷമാണ് അബദ്ധത്തില്‍ കുട്ടികള്‍ ഉപയോഗിച്ചത്. ഇത് മനസിലാക്കിയ ഉടന്‍ വീട്ടുകാര്‍ കുട്ടികളെ സമീപത്തെ സ്വകാര്യ ആശുപത്രിയിലും പിന്നീട് കടലൂര്‍ മെഡിക്കല്‍ കോളജിലും പ്രവേശിപ്പിയ്‌ക്കുകയായിരുന്നു. തീവ്രപരിചരണ വിഭാഗത്തില്‍ പ്രവേശിപ്പിച്ച കുട്ടികളുടെ ആരോഗ്യ നിലയില്‍ പ്രശ്‌നങ്ങളില്ലെന്ന് ആശുപത്രി അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: