കൊച്ചി : പുത്തന്വേലിക്കരയില് ചാലക്കുടി പുഴയില് കുളിക്കാനിറങ്ങി ഒഴുക്കില്പ്പെട്ട പെണ്കുട്ടികളില് രണ്ട് പേര് മരിച്ചു. ഒരാളെ രക്ഷപ്പെടുത്തി.
ഞായറാഴ്ച രാവിലെ 10 മണിയോടെയാണ് അപകടം. പെണ്കുട്ടികള് ഒഴുക്കില്പ്പെട്ടത് കണ്ട നാട്ടുകാര് മൂന്ന് പേരെയും കരയ്ക്കെത്തിച്ച് ആശുപത്രിയില് പ്രവേശിപ്പിച്ചെങ്കിലും ഇവരില് രണ്ട് പേര് മരണത്തിന് കീഴടങ്ങുകയായിരുന്നു. ഒരാള് അപകടനില തരണം ചെയ്തു. മേഘ (25), ജ്വാല ലക്ഷ്മി (13) എന്നിവരാണ് മരിച്ചത്.
മുത്തച്ഛന്റെ മരണാനന്തര ചടങ്ങില് പങ്കെടുക്കാന് ബന്ധുവീട്ടിലെത്തിയതായിരുന്നു ഇവര്. ഒരു കുട്ടി ആദ്യം പുഴയിലെ കുഴിയിലേക്ക് വീണു. ഈ കുട്ടിയെ രക്ഷപ്പെടുത്താന് ശ്രമിക്കവേ മറ്റ് രണ്ട് പേര് കൂടി അപകടത്തില്പ്പെടുകയായിരുന്നു. മറ്റ് രണ്ട് പെണ്കുട്ടികള് പുഴയിലിറങ്ങിയിരുന്നില്ല. ഇവരുടെ നിലവിളി കേട്ടെത്തിയ സമീപത്ത് കക്ക വാരുകയായിരുന്നവരാണ് കുട്ടികളെ പുറത്തെടുത്തത്.
