യുപിഎ കാലഘട്ടത്തിലെ ഇന്ത്യയല്ലിത് , പ്രധാനമന്ത്രി മോദിയുടെ നേതൃത്വത്തിൽ ഇന്ത്യ മാറുന്നത് ജനങ്ങൾ കാണുന്നു

ഗാസിപൂർ : പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ജനങ്ങൾ മാറുന്ന ഇന്ത്യയാണ് കാണുന്നതെന്ന് ഉത്തർപ്രദേശ് മുഖ്യമന്ത്രി യോഗി അദിത്യനാഥ്. ഗാസിപൂരിലെ ബിജെപി സ്ഥാനാർത്ഥി പരസ്‌നാഥ് റായിയെ പിന്തുണച്ച് പ്രധാനമന്ത്രി മോദി പങ്കെടുത്ത റാലിയെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം.

2014-ന് മുമ്പുള്ള ഇന്ത്യയും 2024 കടന്ന ഇന്ത്യയും തമ്മിൽ വലിയ വ്യത്യാസമുണ്ടെന്നും ഉത്തർപ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞു. 2014ന് മുമ്പ് അവിശ്വാസവും സ്വത്വപ്രതിസന്ധിയും ഉണ്ടായിരുന്നുവെന്നും എന്നാൽ ഇപ്പോൾ ലോകം ഇന്ത്യയെ ആദരവോടെയാണ് നോക്കുന്നതെന്നും മുഖ്യമന്ത്രി ആദിത്യനാഥ് പറഞ്ഞു.

പ്രധാനമന്ത്രി മോദി ലോകത്തെവിടെ പോയാലും രാജ്യം മുഴുവൻ അദ്ദേഹത്തെ സ്വാഗതം ചെയ്യുമെന്നും അദ്ദേഹം പറഞ്ഞു. ആദിത്യനാഥ് ഗാസിപൂരിനെയും ‘ഇസ്‌ബാർ 400-പാറിൽ’ ( ഇത്തവണ 400 ൽ ) ഉൾപ്പെടുത്തണമെന്ന് ജനങ്ങളോട് അഭ്യർത്ഥിച്ചു.