തിരുവനന്തപുരം: ഭക്ഷ്യ സുരക്ഷാ വകുപ്പിന്റെ നേതൃത്വത്തില് സംസ്ഥാന വ്യാപകമായി ഷവര്മ്മ വില്പന കേന്ദ്രങ്ങളില് നടത്തിയ റെയ്ഡിനെത്തുടര്ന്ന് 52 ഇടങ്ങളിലെ ഷവര്മ്മ വില്പന വിലക്കി കൃത്യമായ മാനദണ്ഡങ്ങള് പാലിക്കാതെ പ്രവര്ത്തനം നടത്തിയതിനാലാണ് ഈ 52 സ്ഥാപനങ്ങളിലെ ഷവര്മ്മ വ്യാപാരം നിര്ത്തി വയ്പിച്ചത്.
47 സ്ക്വാഡുകളുടെ നേതൃത്വത്തില് 512 വ്യാപാര കേന്ദ്രങ്ങളിലാണ് പരിശോധന പൂര്ത്തിയാക്കിയത്. പാര്സലില് ലേബല് കൃത്യമായി പതിക്കാതെ വിതരണം നടത്തിയ 40 സ്ഥാപനങ്ങള്ക്കെതിരെ നടപടി സ്വീകരിച്ചു. ശക്തമായി പരിശോധനകള് തുടരുമെന്നും ആരോഗ്യ മന്ത്രി വീണ ജോര്ജ് വ്യക്തമാക്കി.108 സ്ഥാപനങ്ങള്ക്ക് കോമ്പൗണ്ടിംഗ് നോട്ടീസും 56 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും നല്കി.
ഷവര്മ്മ നിര്മ്മാണത്തില് കടയുടമകള് മാനദണ്ഡങ്ങള് പാലിക്കുന്നില്ല. ഷവര്മ്മ നിര്മ്മാണവും വില്പനയും നടത്തുന്ന പല സ്ഥാപനങ്ങളും ഭക്ഷ്യ സുരക്ഷാ വകുപ്പിന്റെ മാനദണ്ഡങ്ങള് കൃത്യമായി പാലിക്കുന്നില്ല. ഷവര്മ്മ നിര്മ്മിക്കുന്നവരില് പലര്ക്കും ശാസ്ത്രീയമായ ഷവര്മ്മ പാചക രീതിയെക്കുറിച്ച് അറിയുന്നില്ല. ഷവര്മ്മ പാര്സല് നല്കുമ്പോള് ഉണ്ടാക്കിയ തീയതി, സമയം, ഒരു മണിക്കൂറിനുള്ളില് ഭക്ഷിക്കണം എന്ന നിര്ദ്ദേശം ഉള്പ്പെടുത്തി ലേബല് ഒട്ടിച്ച ശേഷം മാത്രം ഉപഭോക്താവിന് നല്കണമെന്നും നിര്ദേശിച്ചിട്ടുണ്ട്.
