അബുദാബി : ദുബായില്നിന്ന് അബുദാബിയിലേക്ക് എയര് ടാക്സി ഒന്നര വര്ഷത്തിനകം യാഥാര്ഥ്യമാകും. പത്ത് മിനിട്ട് കൊണ്ട് ദുബായില് നിന്ന് അബുദാബിയിലെത്താം.
ടിക്കറ്റ് നിരക്ക് 800 മുതല് 1500 ദിര്ഹം വരെയായിരിക്കും. പദ്ധതി 2026ല് നടപ്പാകും.എല്ലാ പ്രധാന എമിറേറ്റുകളിലേക്കു സേവനം ആരംഭിക്കും.ആര്ച്ചര് ഏവിയേഷനാണ് എയര് ടാക്സി സേവന ദാതാക്കള്.
ദുബായ്ക്കുള്ളില് ഒരിടത്തുനിന്ന് മറ്റൊരു ഇടത്തേക്ക് എയര് ടാക്സിക്ക് ഏകദേശം 300-350 ദിര്ഹമാകും. യാത്ര മറ്റു എമിറേറ്റിലേക്കാണെങ്കില് നിരക്ക് 800 ദിര്ഹത്തില് കൂടുതലാകും നിരക്ക്. കാറില് ഒന്നര മണിക്കൂര് സഞ്ചരിക്കേണ്ട ദൂരം ഫ്്ലൈയിംഗ് ടാക്സി 1020 മിനിറ്റുകൊണ്ട് പിന്നിടും.
സേവനത്തിന് ആവശ്യമായ എയര്ക്രാഫ്റ്റുകള് അബുദാബിയില് നിര്മിക്കാനാണ് പദ്ധതി. 4 പേര്ക്കു സഞ്ചരിക്കാവുന്ന എയര് ടാക്സി 500-3000 മീറ്റര് ഉയരത്തിലാണ് പറക്കുക. ഫ്ലൈയിങ് ടാക്സി പൈലറ്റുമാരെ പ്രാദേശികമായി പരിശീലിപ്പിക്കാനാണ് പദ്ധതി.
