ഒക്ടോബര്‍ എഴിന് ഇസ്രയേലില്‍ ആക്രമണം നടത്തിയ വേളയില്‍ തങ്ങള്‍ രണ്ടു പേരും ചേര്‍ന്ന് ഒരു ഇസ്രയേലി വനിതയെ മാറി മാറി ബലാത്സംഗം ചെയ്തശേഷം വെടിവെച്ച് കൊന്നുവെന്നും ഹമാസ് അംഗങ്ങളായ പിതാവും മകനും വീഡിയോയില്‍ കുറ്റസമ്മതം നടത്തുന്നത് കാണാം.
രണ്ടുപേരും മാറിമാറി ഇസ്രയേലി വനിതയെ ബലാത്സംഗം ചെയ്തതായി 47 കാരനായ ജമാല്‍ ഹുസ്സൈന്‍ അഹ്മദ് റാഡി സമ്മതിക്കുന്നത് വീഡിയോയില്‍ കാണാം. ഹമാസ് ഇസ്രയേലിനെ ആക്രമിച്ച ഒക്ടോബര്‍ ഏഴിന് ഇസ്രയേലിലെ വീട്ടില്‍ ഒരു സ്ത്രീ ഉറക്കെ കരഞ്ഞ് നിലവിളിക്കുന്നത് കണ്ടതായി ജമാല്‍ പറയുന്നു. “ആ സ്ത്രീയെ ഞാന്‍ ബലാത്സംഗം ചെയ്തു. തോക്ക് ചൂണ്ടി വസ്ത്രങ്ങള്‍ അഴിച്ചുമാറ്റാന്‍ ഞാന്‍ പറഞ്ഞു. ജീന്‍സും ഷര്‍ട്ടുമാണ് അവള്‍ ധരിച്ചിരുന്നത്”. – ജമാല്‍ വീഡിയോയില്‍ കുറ്റസമ്മതം നടത്തുന്നു.
ബലാത്സംഗത്തിന് ശേഷം ആ സ്ത്രീക്ക് എന്ത് സംഭവിച്ചുവെന്ന് അറിയില്ലെന്നും ജമാല്‍ പറയുന്നു. എന്നാല്‍ ഈ സ്ത്രീയെ ഇരുവരും മാറി മാറി ബലാത്സംഗം ചെയ്ത ശേഷം പിതാവ് വെടിവെച്ച് കൊല്ലുകയായിരുന്നുവെന്ന് അദ്ദേഹത്തിന്റെ 18 വയസ്സുകാരനായ മകന്‍ പറയുന്നു. “ആദ്യം പിതാവ് ബലാത്സംഗം ചെയ്തു. പിന്നെ ഞാന്‍ ചെയ്തു. അതിന് ശേഷം എന്റെ കസിന്‍ ബലാത്സംഗം ചെയ്തു. അത് കഴിഞ്ഞ് ഞങ്ങള്‍ പോന്നു. പക്ഷെ ആ സമയത്ത് പിതാവ് ആ സ്ത്രീയെ വെടിവെച്ച് കൊന്നു.” – മകന്‍ പറയുന്നു..
“ഓരോ ഇസ്രയേലി വീടുകളിലും ഇതുപോലെ ആരെയെങ്കിലും കണ്ടെത്തിയാല്‍ ഞങ്ങള്‍ അവരെ കൊല്ലുകയോ തട്ടിക്കൊണ്ടുപോവുകയോ ചെയ്തു”- ഇരുവരും പറയുന്നു.
1200 ഇസ്രയേലികളെ ഹമാസ് വെടിവെച്ച് കൊന്നുവെന്നും 250 പേരെ തട്ടിക്കൊണ്ടുപോയി എന്നുമാണ് ഇസ്രയേല്‍ അവകാശപ്പെടുന്നത്. ഇതാണ് ഗാസ ആക്രമിക്കുന്നതിന് തങ്ങളെ പ്രേരിപ്പിച്ചതെന്ന് ഇസ്രയേല്‍ അവകാശപ്പെടുന്നു. ഇതിന് പ്രതികാരമായി ഗാസയെ ആക്രമിച്ചതില്‍ ഏകദേശം 35,000 പേര്‍ കൊല്ലപ്പെട്ടു. അഞ്ച് ഇസ്രയേലി പട്ടാളവനിതകളെ ഹമാസ് തീവ്രവാദികള്‍ ബന്ദികളാക്കി പിടിക്കുന്നതിന്റെ വീഡിയോയും ഇസ്രയേല്‍ പുറത്തുവിട്ടിരുന്നു. ഇടികൊണ്ട് ചോരയൊലിച്ച പട്ടാളക്കാരികളെ കയറില്‍ കെട്ടിയ ശേഷം ജീപ്പിലേക്ക് തള്ളുന്നതാണ് ഈ വീഡിയോ.
പ്രതികരിക്കാൻ ഇവിടെ എഴുതുക: