കേദാർനാഥിൽ ഹെലികോപ്റ്റർ അടിയന്തരമായി ഇറക്കി ;  ഹെലികോപ്റ്ററിൽ ഉണ്ടായിരുന്നത് പൈലറ്റടക്കം ഏഴുപേർ

ഡെറാഡൂൺ: വെള്ളിയാഴ്ച പുലർച്ചെ ഉത്തരാഖണ്ഡിലെ കേദാർനാഥിൽ ഏഴുപേരുമായി ഹെലികോപ്റ്റർ സാങ്കേതിക തകരാർ മൂലം അടിയന്തരമായി നിലത്തിറക്കി.

ഹിമാലയൻ ക്ഷേത്രത്തിലെ ഹെലിപാഡിന് ഏതാനും മീറ്ററുകൾ അകലെയാണ് ഹെലികോപ്റ്റർ ലാൻഡ് ചെയ്തതെന്ന് ഒരു ഉദ്യോഗസ്ഥൻ പറഞ്ഞു. ഹെലികോപ്റ്ററിൽ പൈലറ്റടക്കം ഏഴുപേരാണ് ഉണ്ടായിരുന്നതെന്നും എല്ലാവരും സുരക്ഷിതരാണെന്നും അദ്ദേഹം പറഞ്ഞു.