മലയാളത്തില്‍ വീണ്ടുമൊരു പാന്‍ ഇന്ത്യന്‍ താരം അരങ്ങേറ്റം കുറിക്കുന്നു. ഇക്കുറി അഭിനയം അഭിനിവേശമാക്കിയ താരം നമ്മുടെ സ്വന്തം ജോജു ജോര്‍ജ് ആണ്. ബോളിവുഡ് സംവിധായകന്‍ അനുരാഗ് കശ്യപിന്റെ സിനിമയില്‍ ബോബി ഡിയോളിനൊപ്പം ജോജു വേഷമിടും.
സാനിയ മല്‍ഹോത്ര, സബ ആസാദ് എന്നിവരും അഭിനയിക്കുന്ന ചിത്രം മുംബൈയില്‍ ആരംഭിച്ചു. സിനിമയുടെ മറ്റ് വിവരങ്ങള്‍ ഒന്നും തന്നെ പുറത്ത് വിട്ടിട്ടില്ലെങ്കിലും, യഥാര്‍ത്ഥ സംഭവത്തെ ആസ്പദമാക്കി ഒരുങ്ങുന്ന കിടിലന്‍ ത്രില്ലര്‍ ആണെന്നാണ് റിപ്പോര്‍ട്ട്.
ജോജു സംവിധാനം ചെയ്യുന്ന പണിയുടെ റിലീസ് ഉടന്‍ ഉണ്ടാകും. ജോജു ഇപ്പോള്‍ അഭിനയിച്ചു കൊണ്ടിരിക്കുന്ന ചിത്രത്തിനും, സൂര്യ നായകനായ തമിഴ് ചിത്രത്തിനും ശേഷം ആയിരിക്കും പണിയുടെ റിലീസ്.
