പൂനെ (മഹാരാഷ്ട്ര): പൂനെ ജില്ലയിലെ കലാഷി ഗ്രാമത്തിന് സമീപമുള്ള ഉജാനി അണക്കെട്ടില് ബോട്ട് മറിഞ്ഞുണ്ടായ അപകടത്തില് അഞ്ചു പേരുടെ മൃതദേഹങ്ങള് കണ്ടെടുത്തു. ഇന്നലെയാണ് ആറുപേരുമായി അണക്കെട്ടിലൂടെ സഞ്ചരിച്ചിരുന്ന ബോട്ട് ശക്തമായ കാറ്റില് മറിഞ്ഞത്. ഒരാള്ക്കുള്ള തിരച്ചില് ഇപ്പോഴും തുടരുന്നതായി പൂനെ റൂറല് പോലീസ് ഉദ്യോഗസ്ഥര് പറഞ്ഞു.
ഒരാള്ക്കുള്ള തിരച്ചില് ഇപ്പോഴും തുടരുന്നതായി പൂനെ റൂറല് പോലീസ് ഉദ്യോഗസ്ഥര് പറഞ്ഞു. രക്ഷാപ്രവര്ത്തനം ഇപ്പോഴും തുടരുകയാണ്. നഗരത്തില് നിന്ന് 140 കിലോമീറ്റര് അകലെയുള്ള കലാഷി ഗ്രാമത്തിന് സമീപമുള്ള ഉജാനി അണക്കെട്ടിലാണ് ബോട്ട് മറിഞ്ഞത്.
ചൊവ്വാഴ്ച വൈകുന്നേരമാണ് സംഭവം. ദേശീയ ദുരന്ത നിവാരണ സേന (എന്ഡിആര്എഫ്), സംസ്ഥാന ദുരന്ത നിവാരണ സേന (എസ്ഡിആര്എഫ്), പ്രാദേശിക ഭരണകൂടം, പോലീസ് എന്നിവരെ തിരച്ചില്, രക്ഷാപ്രവര്ത്തനങ്ങള്ക്കായി വിന്യസിച്ചിട്ടുണ്ടെന്ന് പോലീസ് പറഞ്ഞു.
