ന്യൂദല്ഹി: നാനൂറു സീറ്റെന്ന കടമ്പ സുഗമമായി തന്നെ എന്ഡിഎ കടക്കുമെന്ന് പ്രതിരോധമന്ത്രി രാജ്നാഥ് സിങ്. ഓരോ ഘട്ടം തെരഞ്ഞെടുപ്പും പൂര്ത്തിയായതിന് ശേഷം നടന്ന സര്വേകളില് ബിജെപിക്കാണ് ഭൂരിപക്ഷം കല്പ്പിക്കുന്നത്. ഇത് യാഥാര്ത്ഥ്യമാകാന് പോകുന്ന കാര്യമാണ്.
ജനങ്ങളുടെ 100 ശതമാനം പ്രതീക്ഷകളും നിറവേറ്റുക എന്നത് വെല്ലുവിളി നിറഞ്ഞ കാര്യമാണെന്നതില് തര്ക്കമില്ല. എന്നാല് വാഗ്ദാനം ചെയ്തവയെല്ലാം ബിജെപി പൂര്ത്തിയാക്കിയിട്ടുണ്ട്. 1950 മുതലുള്ള പാര്ട്ടി പ്രകടനപത്രിക നോക്കിയാല് ഇത് മനസിലാകും. ഞങ്ങള്ക്ക് എന്നൊക്കെ ഭൂരിപക്ഷം ലഭിച്ചോ, അന്നെല്ലാം വാഗ്ദാനങ്ങള് പാലിക്കുകയും അവ നടപ്പാക്കുകയും ചെയ്തിട്ടുണ്ട്. ആഗോളതലത്തില് ഇന്ന് രാജ്യത്തിന് ലഭിക്കുന്ന സ്ഥാനം ചെറുതല്ല. സര്ക്കാരിന്റെ പ്രവര്ത്തനരീതി കൊണ്ടാണ് ആളുകള് ബിജെപിയില് വിശ്വാസം അര്പ്പിക്കുന്നത്.
ജാതിയുടെയോ മതത്തിന്റെയോ അടിസ്ഥാനത്തിലല്ല പദ്ധതികള് നടപ്പാക്കുന്നത്. സാമൂഹ്യക്ഷേമ പദ്ധതികള് നടപ്പാക്കുന്നതില് ഒരു തരത്തിലുള്ള വിവേചനവും കാണിച്ചിട്ടില്ല. ഹിന്ദു-മുസ്ലീം രാഷ്ട്രീയം എന്നത് പ്രതിപക്ഷം പിന്തുടരുന്ന രീതിയാണ്. അദ്ദേഹം പറഞ്ഞു.
