കേന്ദ്ര ആഭ്യന്തര മന്ത്രാലയ ഓഫീസിന് ബോംബ് ഭീഷണി

ന്യൂഡൽഹി: കേന്ദ്ര ആഭ്യന്തര മന്ത്രാലയത്തിന്റെ ഓഫീസിന് നേരെ ബോംബ് ഭീഷണി. നോർത്ത് ബ്ലോക്കിൽ സ്ഥിതി ചെയ്യുന്ന ഓഫീസിന് നേരെയാണ് ബോംബ് ഭീഷണി. ഇമെയിലിലൂടെയാണ് ഭീഷണി സന്ദേശം എത്തിയതെന്ന് ഡൽഹി പൊലീസ് അറിയിച്ചു.

സംഭവത്തിന് പിന്നാലെ അഗ്നിരക്ഷാ സേനാംഗങ്ങളും ബോംബ് നിർവീര്യമാക്കൽ സംഘവും ഇവിടേക്ക് പുറപ്പെട്ടു. ഇന്ന് ഉച്ചയ്‌ക്ക് ശേഷം മൂന്നരയോടെയാണ് ഭീഷണി സന്ദേശം എത്തിയത്. ഐപി അഡ്രസ് സന്ദേശത്തിന്റെ ഉറവിടം എന്നിവ ഇതുവരെയും കണ്ടെത്തിയിട്ടില്ല. എന്നാൽ സന്ദേശം വ്യാജമാണെന്ന് പൊലീസ് സ്ഥിരീകരിച്ചിട്ടുണ്ട്.

പരിശോധന നടക്കുകയാണെന്നും സംശയമുണ്ടാക്കുന്ന വിധത്തിൽ ഒന്നും തന്നെ കണ്ടെത്തിയിട്ടില്ലെന്നും അധികൃതർ അറിയിച്ചു.