കൊച്ചി: ഇവന്റ് മാനേജ്മെന്റ് രംഗത്തെ ശ്രദ്ധേയമായ നേട്ടങ്ങള്ക്കുള്ള ദൃശ്യ എന്റര്ടെയ്ന്മെന്റ്സ് ആന്ഡ് മീഡിയ എക്സലന്സ് അവാര്ഡിന് പെഗാസസ് ഗ്രൂപ്പ് ചെയര്മാന് അജിത് രവി അര്ഹനായി. കൊച്ചിയില് നടന്ന ചടങ്ങില് ദൃശ്യ ചെയര്മാന് റോയ് മണപ്പള്ളില്, സാ-ധന് മേധാവി ജിജി മാമ്മന്, കാലടി സര്വകലാശാല മുന് വിസി ഡോ. എം.സി. ദിലീപ് കുമാര് എന്നിവര് ചേര്ന്ന് അവാര്ഡ് സമ്മാനിച്ചു.
അന്താരാഷ്ട്ര സൗന്ദര്യ മത്സരങ്ങള് ഉള്പ്പെടെ ഒട്ടേറെ ഇവന്റുകള് സംഘടിപ്പിക്കുന്നതിലൂടെ ഇവന്റ് മാനേജ്മെന്റ് രംഗത്ത് ഇതിനോടകം തന്റെ പ്രാഗത്ഭ്യം തെളിയിച്ച അജിത് രവി കഴിഞ്ഞ ദിവസം കൊച്ചിയില് ഒരേ ദിവസം ആറു മെഗാ ഇവന്റുകള് സംഘടിപ്പിച്ചു ശ്രദ്ധേയനായിരുന്നു. ദൃശ്യ ഭാരവാഹികളായ ഗിരിജ സേതുനാഥ്, ഊര്മിള ഉണ്ണി, പീറ്റര് കെ. ജോസഫ്, പി.ബി. ബോസ്, ജോയ് ജോണ് ആന്റണി, രാജ സാഹിബ്, ഡോ. ഗീത ജേക്കബ്, മിനി അനില്, നിപിന് നിരവത്ത്, സൗമ്യ ആനന്ദ്, സി.ഐ. അബ്ബാസ്, സാം കടമ്മനിട്ട തുടങ്ങിയവര് പ്രസംഗിച്ചു.
