കൊച്ചി: ഇടത് മുന്നണി കണ്വീനര് ഇ.പി.ജയരാജനെ വധിക്കാന് ശ്രമിച്ചെന്ന കേസില് കെപിസിസി പ്രസിഡന്റ് കെ.സുധാകരനെ കുറ്റവിമുക്തനാക്കി ഹൈക്കോടതി. കേസില് തന്നെ കുറ്റവിമുക്തനാക്കണമെന്ന സുധാകരന്റെ ഹര്ജി ഹൈക്കോടതി അംഗീകരിക്കുകയായിരുന്നു.
ഇ.പിയെ വധിക്കാന് ശ്രമിച്ച കേസില് ഗൂഢാലോചനാക്കുറ്റമാണ് സുധാകരനെതിരേ ചുമത്തിയിരുന്നത്. വലിയതുറ പോലീസാണ് കേസില് കുറ്റപത്രം സമര്പ്പിച്ചത്. കേസിന്റെ വിചാരണ നടപടികള് തുടങ്ങാനിരിക്കെയാണ് 2016ല് സുധാകരന് ഹൈക്കോടതിയെ സമീപിച്ചത്. വിചാരണ തടയണമെന്നും തന്നെ പ്രതിപ്പട്ടികയില്നിന്ന് ഒഴിവാക്കണമെന്നുമായിരുന്നു ആവശ്യം.
1995 ഏപ്രില് 12ന് പാര്ട്ടി കോണ്ഗ്രസിന് ശേഷം കേരളത്തിലേക്ക് മടങ്ങുകയായിരുന്ന ഇ.പിയെ ട്രെയിനില്വച്ച് കൊലപ്പെടുത്താന് ശ്രമിച്ചെന്നാണ് കേസ്.
