തിരുവനന്തപുരം : സംസ്ഥാനത്ത് അതിതീവ്ര മഴ തുടരുമെന്ന് കാലാവസ്ഥാ മുന്നറിയിപ്പ്. ഞായറാഴ്ച നാല് ജില്ലകളില് ചുവപ്പ് ജാഗ്രത പ്രഖ്യാപിച്ചിട്ടുണ്ട്.
ഇടുക്കി, പത്തനംതിട്ട, കോട്ടയം, ആലപ്പുഴ ജില്ലകളില് അടുത്ത മൂന്ന് ദിവസവും ചുവപ്പ് ജാഗ്രത പ്രഖ്യാപിച്ചിട്ടുണ്ട്. എറണാകുളം, കൊല്ലം, തിരുവനന്തപുരം ജില്ലകളില് ഓറഞ്ച് ജാഗ്രത പ്രഖ്യാപിച്ചു.
തൃശൂര് മുതല് കാസര്ഗോഡ് വരെയുള്ള ജില്ലകളില് മഞ്ഞ ജാഗ്രതയാണ്. ഞായര്, തിങ്കള്, ചൊവ്വ ദിവസങ്ങളിലും ഈ ജില്ലകളില് മഞ്ഞ ജാഗ്രതയാണ്.
അതിനിടെ , മാലദ്വീപ്, കൊമോറിന് മേഖല, തെക്കന് ബംഗാള് ഉള്ക്കടല്, നിക്കോബാര് ദ്വീപുകള്, തെക്കന് ആന്ഡമാന് കടല് എന്നിവിടങ്ങളിലെ ചില മേഖല,കളില് ഞായറാഴ്ച കാലവര്ഷം എത്തിയതായി കേന്ദ്ര കാലാവസ്ഥ വകുപ്പ് അറിയിച്ചു. സാധാരണയിലും മൂന്ന് ദിവസം മുന്നേ ആണ് ഇത്തവണ കാലവര്ഷത്തിന് തുടക്കം. കേരളത്തില് ഈ മാസം 31ന് കാലവര്ഷം എത്തിച്ചേരുമെന്നാണ് പ്രവചനം.
