സ്ത്രീത്വത്തെ അപമാനിച്ചു, വ്യക്തിഹത്യ നടത്തി; ശോഭാ സുരേന്ദ്രന്റെ പരാതിയില്‍ ടി ജി നന്ദകുമാറിനെ ചോദ്യം ചെയ്തു

അമ്പലപ്പുഴ : ശോഭ സുരേന്ദ്രന്റെ മാനനഷ്ട കേസില്‍ ദല്ലാള്‍ നന്ദകുമാര്‍ ചോദ്യം ചെയ്യലിന് ഹാജരായി. പുന്നപ്ര പൊലീസ് സ്റ്റേഷനിലാണ് വൈകിട്ടോടെ ഹാജരായത്.

തനിക്കെതിരെ ആക്ഷേപകരമായ പരാമര്‍ശങ്ങള്‍ നടത്തിയെന്നാണ് ശോഭ സുരേന്ദ്രന്റെ പരാതി. നന്ദകുമാറിനെതിരെ സ്ത്രീത്വത്തെ അപമാനിച്ചെന്ന വകുപ്പ് ചുമത്തിയാണ് പുന്നപ്ര പൊലീസ് കേസെടുത്തിരിക്കുന്നത്. സാമ്പത്തിക ക്രമക്കേട് സംബന്ധിച്ചായിരുന്നു ആക്ഷേപം.

കേസില്‍ നിയമപരമായി മുന്നോട്ടു പോകുമെന്ന് നന്ദകുമാര്‍ പറഞ്ഞു. ശോഭാ സുരേന്ദ്രനെതിരെ പറഞ്ഞ പരാമര്‍ശങ്ങളില്‍ ഉറച്ചുനില്‍ക്കുന്നു. പോലീസിന്റെ നടപടി സ്വാഭാവികം മാത്രമാണെന്നും നന്ദകുമാര്‍ പ്രതികരിച്ചു.