അഹമ്മദാബാദ്: ഇന്ത്യന് പ്രീമിയര് ലീഗ് ടീം ഗുജറാത്ത് ടൈറ്റന്സിന്റെ ഹോം ഗ്രൗണ്ട് അഹമ്മദാബാദ് സ്റ്റേഡിയത്തില് തുടര്ച്ചയായി രണ്ടാം മത്സരവും മഴ കാരണം മുടങ്ങി. ഇന്നലെ സണ്റൈസേഴ്സ് ഹൈദരാബാദിനെതിരായ ആതിഥേയരുടെ മത്സരം മഴയില് മുങ്ങി. ദിവസങ്ങള്ക്ക് മുമ്പ് ഗുജറാത്ത് ടൈറ്റന്സും കൊല്ക്കത്ത നൈറ്റ് റൈഡേഴ്സും തമ്മിലുള്ള മത്സരം മഴയില് മുടങ്ങിയിരുന്നു. ടോസ് പോലും നിര്ണയിക്കാതെ അന്നത്തെ മത്സരം ഉപേക്ഷിച്ചു. കഴിഞ്ഞ തിങ്കളാഴ്ച്ചയായിരുന്നു ആര്സിബിക്കെതിരായ മത്സരം.
ലീഗ് മത്സരങ്ങള് അവസാന ഘട്ടത്തോടടുക്കുമ്പോള് മഴ കനക്കുന്നത് പല ടീമുകളുടെയും പ്രതീക്ഷകള്ക്ക് മങ്ങലേല്പ്പിക്കുകയാണ്. ആര്സിബിക്കും ദല്ഹി ക്യാപിറ്റല്സിനുമെല്ലാം പ്ലേ ഓഫ് സാധ്യതയുണ്ട്. പക്ഷെ മത്സരം നിരന്തരം ഉപേക്ഷിക്കേണ്ടി വരുന്നത് ആകെ താളം തെറ്റിക്കുന്ന സ്ഥിതിയിലേക്ക് കാര്യങ്ങള് നീങ്ങും.
