തിരുവല്ല: സെന്റ്റ് തോമസ് ട്രോഫി ഏകദിന ബാസ്കറ്റ്ബാള് ടൂര്ണമെന്റിന്റെ പുരുഷ വിഭാഗം മത്സരത്തില് കെഎസ്ഇബി തിരുവനതപുരവും വനിതാ വിഭാഗത്തില് അസംപ്ഷന് കോളജ് ചങ്ങനാശേരിയും ജേതാക്കളായി. സെന്റ് തോമസ് ക്ലബ്ബ് നിരണത്തെ 72-53ന് തോല്പ്പിച്ചാണ് കെഎസ്ഇബി കപ്പടിച്ചത്. പാലാ അല്ഫോന്സ കോളജിനെ 61-41ന് തോല്പ്പിച്ചാണ് അസംപ്ഷന് കോളേജിന്റെ കിരീടനേട്ടം.
അസംപ്ഷനില് നിന്നുള്ള ഐറിന് എല്സ ജോണും കെഎസ്ഇബിയില് നിന്നുള്ള സെജിന് മാത്യുവും മികച്ച കളിക്കാരായി തെരഞ്ഞെടുക്കപ്പെട്ടു. അസംപ്ഷനില് നിന്നുള്ള ശ്രീലക്ഷ്മി ഈ പുതിയ കോര്ട്ടിലെ ആദ്യ ബാസ്കറ്റിന് പ്രൈസ് മണി നേടി. വിജയകള്ക്കു ഇരുപതിനായിരം രൂപയും റണ്ണറപ്പിനു പതിനയ്യയിരവും പ്രൈസ് മണി ലഭിച്ചു. വനിതാ മത്സരത്തില് 22 പോയിന്റുമായി ശ്രീലക്ഷ്മിയും പുരുഷ സീനിയര് ഇന്റര്നാഷണലില് സെജിന് മാത്യു 25 പോയിന്റുമായി ടോപ് സ്കോററും ആയി.
