കനൗജ്: ഇന്ത്യാസഖ്യത്തിന്റെ കൊടുങ്കാറ്റാണ് യുപിയില്‍ വരാനിരിക്കുന്നതെന്ന് കോണ്‍ഗ്രസ് നേതാവ് രാഹുല്‍ ഗാന്ധി. ഉത്തര്‍പ്രദേശില്‍ നാശം വിതയ്‌ക്കുകയാണോ ഇന്ത്യ സഖ്യത്തിന്റെ ലക്ഷ്യമെന്ന് സോഷ്യല്‍ മീഡിയ തിരിച്ചു ചോദിക്കുന്നു.
സമാജവാദി പാര്‍ട്ടി അധ്യക്ഷന്‍ അഖിലേഷ് യാദവ് മത്സരിക്കുന്ന കനൗജിലെ പ്രചാരണത്തിനിടെ രാഹുല്‍ഗാന്ധി നടത്തിയ പരാമര്‍ശമാണ് ട്രോളന്മാരുടെ പരിഹാസത്തിന് പാത്രമായത്. കൊടുങ്കാറ്റ് ആര്‍ക്കാണ് ഇഷ്ടം? അത് ആഞ്ഞടിക്കുമ്പോഴുണ്ടാകുന്ന പ്രത്യാഘാതങ്ങള്‍ എത്ര വലുതാണ്! എന്തൊക്കെ നാശനഷ്ടങ്ങള്‍ അതുവഴി ഉണ്ടാകും. കൊടുങ്കാറ്റ് എല്ലാത്തിനെയും തച്ചുതകര്‍ക്കും. ഇതെന്തു ലക്ഷ്യമാണ്. ഇതാണോ ഇന്ത്യാസഖ്യവും കോണ്‍ഗ്രസും യുപിയില്‍ നടപ്പാക്കാന്‍ ആഗ്രഹിക്കുന്നത.് ഇങ്ങനെ പോകുന്നു പരിഹാസങ്ങള്‍. ഏതായാലും പറയുന്നതെല്ലാം എതിരായി പോവുകയോ പതിരായി പോവുകയോ ചെയ്യുന്ന ഗതികേടിലാണ് രാഹുല്‍ ഗാന്ധി. പരാമര്‍ശങ്ങളില്‍ പാകതക്കുറവ് കാണിക്കുന്നുവെന്ന് ആക്ഷേപം തുടക്കത്തിലേ രാഹുല്‍ നേരിട്ടിട്ടുണ്ട്. കാലമേറെയായിട്ടും അതില്‍ ഒരു മാറ്റവും വന്നിട്ടില്ലെന്നാണ് സൈബര്‍ ലോകം ചൂണ്ടിക്കാട്ടുന്നത്.
പ്രതികരിക്കാൻ ഇവിടെ എഴുതുക: