ചണ്ഡീഗഡ്: പഞ്ചാബിലെ അമൃത്സറില്‍ ഹെറോയിന്‍ പായ്‌ക്കറ്റുമായെത്തിയ ചൈനീസ് നിര്‍മിത ഡ്രോണ്‍ കണ്ടെടുത്തു. ശനിയാഴ്ച രാത്രി അതിര്‍ത്തി പ്രദേശത്ത് സുരക്ഷാ സേന ഡ്രോണ്‍ സാന്നിധ്യം കണ്ടെത്തിയിരുന്നു.
ഡ്രോണിന്റെ സഞ്ചാര ദിശ നിരീക്ഷിച്ച സേന ഉടന്‍ തന്നെ ഡ്രോണ്‍ ഇറങ്ങിയ സ്ഥലം വളഞ്ഞ് പരിശോധന നടത്തി. രാത്രി 11.30ഓടെയാണ് ഡ്രോണ്‍ കണ്ടെത്തിയത്. ഒരു പായ്‌ക്കറ്റ് ഹെറോയിന്‍ ഡ്രോണില്‍ കെട്ടിവച്ച നിലയിലായിരുന്നു. ഇതോടൊപ്പം ഒരു ടോര്‍ച്ചുമുണ്ടായിരുന്നു.
ശനിയാഴ്ച തന്നെ അതിര്‍ത്തിയിലെ താന്‍ തരണ്‍ പ്രദേശത്ത് നിന്ന് രണ്ട് പായ്‌ക്കറ്റ് ഹെറോയിന്‍ സൈന്യം കണ്ടെടുത്തിരുന്നുവെന്നും അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: