ആലപ്പുഴ : വള്ളികുന്നത്ത് വീടിനുള്ളില്‍ ഗൃഹനാഥന്റെ മൃതദേഹം കത്തിക്കരിഞ്ഞ നിലയില്‍. വള്ളികുന്നം കടുവിനാല്‍ പറങ്കാമുട്ടില്‍ സ്വാതി നിവാസില്‍ ചന്ദ്രകുമാറിനെയാണ് (60) മരിച്ച നിലയില്‍ കണ്ടെത്തിയത്.
ഓട്ടോ ഡ്രൈവറാണ് ചന്ദ്രകുമാര്‍. രണ്ട് വര്‍ഷമായി പള്ളിക്കത്തറ ജംഗ്ഷനു സമീപമുള്ള വീട്ടില്‍ വാടകയ്‌ക്ക് താമസിക്കുകയായിരുന്നു.
ഈ വീട്ടിലാണ് മൃതദേഹം കണ്ടെത്തിയത്. ഇന്നു രാവിലെ ഓട്ടം ബുക് ചെയ്തിരുന്ന ആള്‍ ചന്ദ്രകുമാര്‍ എത്താത്തതിനെ തുടര്‍ന്ന് ഫോണില്‍ ബന്ധപ്പെട്ടെങ്കിലും ഫലമുണ്ടാകാത്തതിനെ തുടര്‍ന്ന് മറ്റൊരാളെ വിളിച്ചു ചന്ദ്രകുമാറിനെ അന്വേഷിക്കാന്‍ ആവശ്യപ്പെട്ടു. ഇയാള്‍ അന്വേഷിച്ച് വീട്ടിലെത്തിയപ്പോഴാണ് മരിച്ച നിലയില്‍ കണ്ടത്.
പ്രതികരിക്കാൻ ഇവിടെ എഴുതുക: