കോടികളുടെ അടയ്‌ക്കയും കുരുമുളകും മോഷ്ടിച്ച 3 പേര്‍ അറസ്റ്റില്‍

മുംബയ്: പതിനാറ് കോടി രൂപയുടെ കുരുമുളകും അടയ്‌ക്കയും മോഷ്ടിച്ച മൂന്ന് പേര്‍ അറസ്റ്റില്‍. നവി മുംബയിലാണ് സംഭവം.

നവിമുംബയിലെ കസ്റ്റംസ് സംഭരണശാലയിലായിരുന്നു മോഷണം നടന്നത്. മോഷണത്തിനു പിന്നില്‍ വലിയ സംഘമുണ്ടെന്നാണ് പൊലീസ് നിഗമനം. സംഘത്തിലുളള മൂന്ന് പേരെയാണ് പിടി കൂടിയത്.

കസ്റ്റംസ് നികുതി അടയ്‌ക്കാതെ ഇറക്കുമതി ചെയ്ത സാധനങ്ങള്‍ കൈക്കലാക്കാനായിരുന്നു മോഷണം. കഴിഞ്ഞ രണ്ട് വര്‍ഷങ്ങളിലായി പലപ്പോഴായാണ് മോഷണം നടന്നത്. മോഷണ സംഘത്തിലെ മറ്റുളളവരെ കണ്ടെത്താനുള്ള അന്വേഷണത്തിലാണ് പൊലീസ്.