ന്യൂദല്‍ഹി: ഈ മാസത്തെ രണ്ടാം ബംഗാള്‍ സന്ദര്‍ശനം നടത്തുന്ന പ്രധാനമന്ത്രി നരേന്ദ്രമോദി ഭാരതീയ ജനതാ പാര്‍ട്ടിയുടെ പ്രചാരണം ശക്തമാക്കാന്‍ ഇന്ന് സംസ്ഥാനത്ത് നാല് റാലികള്‍ നടത്തും. നോര്‍ത്ത് 24 പര്‍ഗാനാസ് ജില്ലയിലെ ബാരക്പൂരില്‍ രാവിലെ 11:30ന് ബിജെപി സ്ഥാനാര്‍ത്ഥി അര്‍ജുന്‍ സിംഗിനെ പിന്തുണച്ച് പ്രധാനമന്ത്രി മോദി പൊതുയോഗം നടത്തും.
അതിനുശേഷം, ഉച്ചയ്‌ക്ക് ഒരു മണിക്ക് ബിജെപി സ്ഥാനാര്‍ത്ഥി ലോക്കറ്റ് ചാറ്റര്‍ജിക്ക് പിന്തുണയുമായി പ്രധാനമന്ത്രി ഹൂഗ്ലിയില്‍ ജനങ്ങളെ അഭിസംബോധന ചെയ്യും. തുടര്‍ന്ന് ആറാംബാഗില്‍ ഉച്ചയ്‌ക്ക് 2.30ന് ബിജെപി സ്ഥാനാര്‍ഥി അരുപ് കുമാറിന് വേണ്ടിയും പ്രധാനമന്ത്രി മോദി പ്രചാരണം നടത്തും.
വൈകിട്ട് നാലിന് ഹൗറയില്‍ പ്രധാനമന്ത്രി കൂടിക്കാഴ്ച നടത്തും. നേരത്തെ മെയ് മൂന്നിന് പ്രധാനമന്ത്രി മോദി പശ്ചിമ ബംഗാളിലെ കൃഷ്ണനഗര്‍, പുര്‍ബ ബര്‍ധമാന്‍, ബോള്‍പൂര്‍ ലോക്‌സഭാ മണ്ഡലങ്ങളിലെ റാലികളെ അഭിസംബോധന ചെയ്തിരുന്നു. നാളെ നടക്കുന്ന നാലാം ഘട്ട വോട്ടെടുപ്പില്‍ പശ്ചിമ ബംഗാളിലെ എട്ട് ലോക്‌സഭാ സീറ്റുകളിലേക്കാണ് വോട്ടെടുപ്പ്.
പ്രതികരിക്കാൻ ഇവിടെ എഴുതുക: