കണ്ണൂര്: ജീവനക്കാരുടെ സമരം പിന്വലിച്ചിട്ടും പൂര്വസ്ഥിതിയിലെത്താതെ എയര് ഇന്ത്യ എക്സ്പ്രസ് സര്വീസുകള്.കണ്ണൂര്, നെടുമ്പാശേരി വിമാനത്താവളങ്ങളില് രണ്ട് സര്വീസുകളും കരിപ്പൂരില് ഒരു സര്വീസും മുടങ്ങി. സര്വീസുകള് രണ്ട് ദിവസത്തിനകം പൂര്ണതോതില് പുനരാരംഭിക്കാനാകുമെന്ന് വിമാനക്കമ്പനി അധികൃതര് വ്യക്തമാക്കി
കണ്ണൂര് വിമാനത്താവളത്തില് നിന്ന് രാവിലെ അഞ്ചേകാലിനും ഒന്പതരയ്ക്കും പുറപ്പെടേണ്ടിയിരുന്ന ദമാം, അബുദാബി സര്വീസുകളാണ് ശനിയാഴ്ച റദ്ദാക്കിയത്.കരിപ്പൂരില് നിന്ന് റാസല്ഖൈമയിലേക്കുളള സര്വീസ് മുടങ്ങി. നെടുമ്പാശേരിയില് നിന്ന് പുലര്ച്ചെ 2.05 ന് ഷാര്ജയിലേക്കും, രാവിലെ 8 ന് ബഹ്റിനിലേക്കുമുള്ള വിമാനങ്ങളാണ് റദ്ദാക്കിയത്.
സമരത്തിനായി മെഡിക്കല് അവധിയെടുത്ത കാബിന് ക്രൂ അംഗങ്ങള്ക്ക് തിരികെ ജോലിയില് പ്രവേശിക്കാന് ഫിറ്റ്നസ് സര്ട്ടിഫിക്കറ്റ് ഹാജരാക്കണം. ഇത് കാരണമാണ് സര്വീസുകള് റദ്ദാക്കേണ്ടി വന്നത്. ചൊവ്വാഴ്ചയോടെ സര്വീസുകള് പൂര്ണമായും സാധാരണ നിലയിലാകുമെന്നാണ് അറിയിപ്പ്.
