കോഴിക്കോട്: അമിതവേഗത്തില്‍ എത്തിയ പിക്കപ്പ് വാനിടിച്ച് പരിക്കേറ്റ് കോഴിക്കോട് മെഡിക്കല്‍ കോളേജ് ആശുപത്രയില്‍ ചികിത്സയിലായിരുന്ന വിദ്യാര്‍ത്ഥിനി മരിച്ചു. കല്ലാച്ചി ചിയ്യൂര്‍ പാറേമ്മല്‍ ഉണ്ണിക്കൃഷ്ണന്‍-ശ്രീലേഖ ദമ്പതികളുടെ മകള്‍ ഹരിപ്രിയ(20) ആണ് മരണത്തിന് കീഴടങ്ങിയത്.
അപകടത്തില്‍ പരിക്കേറ്റ ഹരിപ്രിയയുടെ സുഹൃത്ത് എഴുത്തുപള്ളി പറമ്പത്ത് അമേയ (20) ചികിത്സയിലാണ്.കഴിഞ്ഞ വെള്ളിയാഴ്ച രാവിലെ പത്ത് മണിയോടെ കല്ലാച്ചി മിനി ബൈപാസ് റോഡിലാണ് അപകടം നടന്നത്.വാണിമേല്‍ ഭാഗത്ത് നിന്ന് പാചകവാതക സിലിണ്ടറുമായി അമിത വേഗതയിലെത്തിയ വാഹനമാണ് അപകടമുണ്ടാക്കിയത്.
റോഡരികിലൂടെ നടക്കുകയായിരുന്ന ഹരിപ്രിയയെയും അമേയയെയും ഇടിച്ച പിക്കപ്പ് വാന്‍ സമീപത്തെ വൈദ്യുതി പോസ്റ്റില്‍ ഇടിച്ചാണ് നിന്നത്. ഹരിപ്രിയ വാഹനത്തിനും പോസ്റ്റിനും ഇടയില്‍ കുടുങ്ങിപ്പോവുകയായിരുന്നു.
പ്രതികരിക്കാൻ ഇവിടെ എഴുതുക: