മുംബൈ: ശിവസേന (യുബിടി) തലവൻ ഉദ്ധവ് താക്കറെയുടെ മാനസിക സന്തുലിതാവസ്ഥ നഷ്ടപ്പെട്ടുവെന്ന് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ് പ്രതികരിച്ചു.
ദൽഹിയിൽ ഇരിക്കുന്നവരുടെ നിർദേശപ്രകാരം സംസാരിക്കുന്ന ലഹരി കുരങ്ങന്മാരാണ് ഫഡ്നാവിസും മുഖ്യമന്ത്രി ഏകനാഥ് ഷിൻഡെയും എന്ന് താക്കറെ ഒരു ദിവസം മുമ്പ് ഒരു പ്രചാരണ റാലിയിൽ പറഞ്ഞിരുന്നു. ഇതിന് മറുപടിയായാണ് അദ്ദേഹം ഇത്തരത്തിൽ പ്രതികരിച്ചത്.
ഉദ്ധവ് താക്കറെയുടെ മാനസിക സന്തുലിതാവസ്ഥ നഷ്ടപ്പെട്ടു. അദ്ദേഹത്തിന് ഒരു മാനസികരോഗവിദഗ്ദ്ധന്റെ ചികിത്സ ആവശ്യമാണ്. തെരഞ്ഞെടുപ്പിലെ പരാജയം വ്യക്തമായി കാണാൻ കഴിയുന്നതിനാലാണ് അദ്ദേഹം ഇങ്ങനെ സംസാരിക്കുന്നതെന്ന് ഫഡ്നാവിസ് മാധ്യമപ്രവർത്തകരോട് പറഞ്ഞു.
