തരണ് താരണ്: പഞ്ചാബ് അതിര്ത്തിയില് ചൈനീസ് ഡ്രോണ് ഉപയോഗിച്ച് മയക്കുമരുന്ന് കടത്താനുള്ള ശ്രമം ബിഎസ്എഫ് തകര്ത്തു. അതിര്ത്തിയില് ചൈനീസ് ഡ്രോണുകളുടെ സാന്നിധ്യമുള്ളതായി വിവരത്തെ തുടര്ന്ന് സൈന്യം തെരച്ചില് നടത്തുന്നതിനിടെ പഞ്ചാബ് തരണ് താരണ് ജില്ലയിലെ അതിര്ത്തി ഗ്രാമത്തില് നിന്നാണ് ഡ്രോണ് കണ്ടെത്തിയത്.
ഡ്രോണില് മഞ്ഞ നിറത്തിലുള്ള ടേപ്പ് ചുറ്റി സൂക്ഷിച്ച നിലയിലായിരുന്നു മയക്കുമരുന്ന്. 210 ഗ്രാം ഹെറോയിനാണ് ഒളിപ്പിച്ചത്. ഗ്രാമത്തിലെ കൃഷിഭൂമിക്ക് സമീപത്തു നിന്നാണ് ഡ്രോണ് പിടിച്ചെടുത്തത്. മയക്കുമരുന്ന് കടത്താനുള്ള മറ്റൊരു ശ്രമവും പഞ്ചാബ് പോലീസ് പരാജയപ്പെടുത്തി.
മയക്കുമരുന്നുമായെത്തിയ പാകിസ്ഥാനി ഡ്രോണാണ് പിടികൂടിയത്. അടുത്തിടെ പഞ്ചാബ് അതിര്ത്തിയില് ചൈനീസ് ഡ്രോണുകളുടെ സാന്നിധ്യം പലപ്പോഴും റിപ്പോര്ട്ട് ചെയ്യുകയും സൈന്യം ഇവയെ പിടികൂടുകയും ചെയ്തിരുന്നു. കഴിഞ്ഞ ദിവസം അമൃത്സറില് നിന്നും ബിഎസ്എഫ് ചൈനീസ് ഡ്രോണ് പിടികൂടിയിരുന്നു.
