ഇന്‍ഡോര്‍: ബിജെപിയില്‍ നിന്ന് ഒരു ഭീഷണിയും ഉണ്ടായിട്ടില്ലെന്നും കോണ്‍ഗ്രസിന്റെ നിസ്സഹകരണം മൂലമാണ് പത്രിക പിന്‍വലിക്കേണ്ടി വന്നതെന്നും മധ്യപ്രദേശിലെ ഇന്‍ഡോറില്‍ അവസാനനിമിഷം പത്രിക പിന്‍വലിച്ച് ബി.ജെ.പിയില്‍ ചേര്‍ന്ന കോണ്‍ഗ്രസ് സ്ഥാനാര്‍ത്ഥി അക്ഷയ് കാന്തി ബാം എന്‍ഡിടിവിക്കു നല്‍കിയ അഭിമുഖത്തില്‍ വ്യക്തമാക്കി.
കോണ്‍ഗ്രസില്‍ നിന്ന് തനിക്ക് യാതൊരു പിന്തുണയും ലഭിച്ചില്ല, ഏജന്റുമാരുടെ ലിസ്റ്റ് പോലും തന്നില്ല, ജനസമ്പര്‍ക്ക പരിപാടികള്‍ നിരന്തരം റദ്ദാക്കി തുടങ്ങിയ ആരോപണങ്ങള്‍ അദ്ദേഹം ഉന്നയിച്ചു. ശരിയായ രീതിയില്‍ ജനസമ്പര്‍ക്ക പരിപാടികള്‍ നടത്തിയില്ലെങ്കില്‍ മത്സരിക്കാനാവില്ലെന്ന് സംസ്ഥാന കോണ്‍ഗ്രസ് അധ്യക്ഷനെ അറിയിച്ചിരുന്നതാണ് . എന്നാല്‍ അതിലും നടപടി ഉണ്ടായില്ല.
തനിക്കെതിരെ വധശ്രമക്കേസില്‍ കുറ്റപത്രം നല്‍കിയെന്ന ആരോപണവും ശരിയല്ല. കേസില്‍ വാദം കേള്‍ക്കണമെന്നും മാത്രമാണ് കോടതി പറഞ്ഞത്. ഡെമ്മി സ്ഥാനാര്‍ത്ഥിയുടെ പത്രിക തള്ളിപ്പോയതിനു താനല്ല ഉത്തരവാദിയെന്നും ചില കോണ്‍ഗ്രസ് നേതാക്കള്‍ കളിച്ചതാണെന്നും അദ്ദേഹം പറഞ്ഞു
പ്രതികരിക്കാൻ ഇവിടെ എഴുതുക: