ന്യൂഡല്‍ഹി: ഹരിയാനയിലെ കര്‍ണാല്‍ സ്വദേശിയായ എംടെക് വിദ്യാര്‍ത്ഥി നവജീത് സന്ധു (22) ഓസ്ട്രേലിയയിലെ മെല്‍ബണില്‍ കുത്തേറ്റു മരിച്ചു. സന്ധു ഒന്നര വര്‍ഷമായി ഓസ്ട്രേലിയയില്‍ പഠനം നടത്തി വരികയായിരുന്നു. വാടകയെ ചൊല്ലി ഇന്ത്യന്‍ വിദ്യാര്‍ത്ഥികള്‍ തമ്മിലുള്ള വഴക്കിനിടെയാണ് കുത്തേറ്റത്. കര്‍ഷകനായ പിതാവ് ഒന്നര ഏക്കര്‍ ഭൂമി വിറ്റാണ് മകനെ ഓസ്ട്രേലിയയില്‍ അയച്ചത്. സംഭവത്തില്‍ മറ്റൊരു വിദ്യാര്‍ത്ഥിക്ക് പരിക്കേറ്റു. മുറിയില്‍ ഒപ്പമുണ്ടായിരുന്നവര്‍ ഒളിവിലാണ്.
ജൂലൈയില്‍ അവധിക്ക് നാട്ടിലേക്ക് വരാനിരിക്കെയാണ് നവജീത് സന്ധുവിന്റെ മരണം. സന്ധുവിന്റെ മരണത്തില്‍ സജീവമായി അന്വേഷണം ആരംഭിച്ചതായി വിക്ടോറിയ പോലീസ് അറിയിച്ചു. മൃതദേഹം എത്രയും വേഗം കൊണ്ടുവരാന്‍ സഹായിക്കണമെന്ന് കുടുംബം ഇന്ത്യാ ഗവണ്‍മെന്റിനോട് അഭ്യര്‍ത്ഥിച്ചു.
പ്രതികരിക്കാൻ ഇവിടെ എഴുതുക: