ആലപ്പുഴ : ആലപ്പുഴ ചങ്ങനാശ്ശേരി റോഡിൽ ഓടിക്കൊണ്ടിരുന്ന വാഹനത്തിന് തീപിടിച്ചു. ബോണറ്റിൽ നിന്നും പുക ഉയരുനന്ത് കണ്ട് കാർ നിർത്തി പരിശോധിക്കുന്നതിനിടെ തീ ആളിപ്പടരുകയായിരുന്നു. ചമ്പക്കുളം സ്വദേശി സുശീലയുടെ മാരുതി കാറാണ് കത്തിനശിച്ചത്. സുശീലയുടെ ഭർത്താവ് രമേഷ് ആയിരുന്നു ഈ സമയം കാറിലുണ്ടായിരുന്നത്. ഇയാൾ നിസാര പരിക്കുകളോടെ രക്ഷപ്പെട്ടു.
രമേശ് മങ്കൊമ്പ് പെട്രോൾ പമ്പിൽ നിന്നും ഇന്ധനം നിറച്ച് നെടുമുടിയിലെ തന്റെ സ്ഥാപനത്തിലേക്ക് പോകവെയാണ് ബോണറ്റിനുള്ളിൽ നിന്നും പുക ഉയർന്നത്. വാഹനം നിർത്തി പരിശോധിക്കവെ തീ ആളിപ്പടരുകയായിരുന്നു. ചങ്ങനാശ്ശേരിയിൽ നിന്ന് ഫയർ ഫോഴ്സ് സംഘം എത്തിയാണ് തീ നിയന്ത്രണവിധേയമാക്കിയത്.
