ബുധനാഴ്ച ഇടുക്കിയിലും മലപ്പുറത്തും മഴ മുന്നറിയിപ്പ്

തിരുവനന്തപുരം: സംസ്ഥാനത്ത് കൊടും വേനല്‍ തുടരവെ ബുധനാഴ്ച ഇടുക്കിയിലും മലപ്പുറത്തും മഴ മുന്നറിയിപ്പ്. രണ്ട് ജില്ലകളിലും മഞ്ഞ ജാഗ്രതയാണ് ഉള്ളത്.

അതിനിടെ ചൊവ്വാഴ്ച മലയോരമേഖലകളിലും വടക്കന്‍ കേരളത്തിലെ ചിലയിടങ്ങളിലും മഴയ്‌ക്ക് സാധ്യതയുണ്ട്. ശക്തമായ മഴയ്‌ക്കൊപ്പം ഇടിമിന്നലിനും സാധ്യതയുമുണ്ട്.

12 തീയതി വരെ സംസ്ഥാനത്ത് മഴ സാധ്യതയുണ്ടെന്ന് നേരത്തെ കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു. ഇടുക്കിക്കും മലപ്പുറത്തിനും പുറമെ വയനാട്ടിലും അടുത്ത ദിവസങ്ങളില്‍ ശക്തമായ മഴയ്‌ക്ക് സാധ്യതയുണ്ട്.