നിവേദ്യം എന്ന ചിത്രത്തിലൂടെ അഭിനയ ലോകത്തേക്ക് എത്തിയ താരമാണ് ഭാമ. സിനിമയിൽ സജീവമായിരിക്കെ ഭാമ അഭിനയത്തിൽ നിന്ന് ചെറിയ ഇടവേള എടുക്കുകയും തുടർന്ന് 2020 ജനുവരിയിൽ വിവാഹിതയാകുകയും ചെയ്തിരുന്നു. ബിസിനസുകാരനായ അരുൺ ജഗദീഷിനെയാണ് ഭാമ വിവാഹം കഴിച്ചത്. എന്നാൽ ഭാമ ഭർത്താവുമായി വേർപിരിഞ്ഞു എന്ന തരത്തിലുള്ള പ്രചാരണങ്ങളും എത്തിയിരുന്നു.
താന് ഒരു സിംഗിള് മദര് ആണെന്ന് വെളിപ്പെടുത്തി കൊണ്ടുള്ള ഭാമയുടെ പോസ്റ്റ് ശ്രദ്ധ നേടുകയാണിപ്പോൾ. മകള്ക്കാപ്പമുള്ള ചിത്രങ്ങള് പങ്കുവച്ചു കൊണ്ടാണ് ഭാമ എത്തിയിരിക്കുന്നത്. മകള് ജനിച്ച് മാസങ്ങള്ക്ക് ശേഷമാണ് സോഷ്യല് മീഡിയയിലൂടെ മകള് ഗൗരിയുടെ ജനനത്തെ കുറിച്ച് പറയുന്നത്. പിന്നീട് കുഞ്ഞിനും ഭര്ത്താവിനുമൊപ്പം നിരവധി ചിത്രങ്ങളും വീഡിയോകളും ഒക്കെ ഭാമ പങ്കുവയ്ക്കാറുണ്ടായിരുന്നു.
എന്നാല് കുറച്ച് കാലമായി ഭാമയുടെ ചിത്രങ്ങളിലൊന്നും ഭര്ത്താവ് അരുണിനെ കാണാറില്ല. ഭര്ത്താവിന്റെ ചിത്രങ്ങള് ഒഴിവാക്കിയതിന് പിന്നാലെ ഭാമ അരുണ് എന്ന പേരിനും നടി മാറ്റം വരുത്തിയിരുന്നു. ഇതോടെ താരത്തിന്റെ ആരാധകര് അടക്കം വേര്പിരിഞ്ഞോ എന്ന സംശയങ്ങളുമായി എത്തിയിരുന്നു. ഡിവോഴ്സ് ആയി എന്ന വാര്ത്തകള് എത്തിയപ്പോഴും നടി പ്രതികരിച്ചിരുന്നില്ല.
താന് സിംഗിള് മദര് ആണെന്ന് അറിയിച്ച് എല്ലാ ചോദ്യങ്ങള്ക്കുമുള്ള മറുപടി നല്കിയിരിക്കുകയാണ് ഭാമ ഇപ്പോള്. ”ഒരു സിംഗിള് മദറാകുന്നത് വരെ ഞാന് ഇത്രത്തോളം ശക്തയാണെന്ന് എനിക്ക് തന്നെ അറിയില്ലായിരുന്നു. കൂടുതല് ശക്തയാകുക എന്നത് മാത്രമായിരുന്നു എനിക്ക് മുന്നിലുണ്ടായിരുന്ന ഏക പോംവഴി” എന്നാണ് ഭാമ ഇന്സ്റ്റഗ്രാമില് കുറിച്ചിരിക്കുന്നത്.
സിംഗിള് മദറാണെന്ന് നടി പ്രഖ്യാപിച്ചതോടെ ഭര്ത്താവുമായി വേര്പിരിഞ്ഞു എന്ന കാര്യത്തില് വ്യക്തത വന്നിരിക്കുകയാണ്. എന്നാല് ഇവര് എപ്പോള് വേര്പിരിഞ്ഞുവെന്നോ, തമ്മില് പ്രശ്നങ്ങള് ഉണ്ടായോ എന്നോ നടി തുറന്നു സംസാരിച്ചിട്ടില്ല.
