കാവാലം: ബൈക്കില്‍ സഞ്ചരിച്ചവരെ തടഞ്ഞുനിര്‍ത്തി മര്‍ദ്ദിച്ച കേസിലെ പ്രതികള്‍ അറസ്റ്റില്‍.
കഴിഞ്ഞ 23 ന് രാത്രി 12 മണിയോടെ കാവാലം എടിഎമ്മില്‍ നിന്നും പണം എടുക്കുന്നതിനായി ബൈക്കില്‍ പോകുകയായിരുന്ന കാവാലം സ്വദേശി പ്രവി പ്രസാദിനെയും ഇയാളുടെ സുഹൃത്ത് അനൂപിനെയും കരിയൂര്‍ മംഗലം അന്നപൂര്‍ണ്ണേശ്വരി ക്ഷേത്രത്തിന് മുന്‍ വശം റോഡില്‍ വെച്ച് തടഞ്ഞ് നിര്‍ത്തി മര്‍ദ്ദിച്ച കേസിലെ പ്രതികളെ പിടിയിലായത്.
രണ്ടാംപ്രതി കാവാലം പത്തൊന്‍പതില്‍ വീട്ടില്‍ ജീവ (22), മൂന്നാം പ്രതി കാവാലം വിശ്വഭവന്‍ വീട്ടില്‍ അനസ് (21), നാലാം പ്രതി കാവാലം മാവിലശ്ശേരി വീട്ടില്‍ അനുജിത്ത് (19) എന്നിവരാണ് അറസ്റ്റിലായത്. ചെറുകര അമ്പലത്തില്‍ ആറാട്ടിനോടനുബന്ധിച്ച് കുട്ടികള്‍ തമ്മിലുള്ള വഴക്ക് പറഞ്ഞ് തീര്‍ക്കുന്നതിന് മദ്ധ്യസ്ഥത വഹിച്ചതിലുള്ള മുന്‍ വിരോധം മൂലമാണ് ആക്രമണം നടത്തിയത്. സംഭവത്തിലെ ഒന്നാം പ്രതി ഒളിവിലാണ്. ഒന്നാംപ്രതിക്കായുള്ള തിരച്ചില്‍ ഊര്‍ജിതമാണെന്നും പ്രതി ഉടന്‍ അറസ്റ്റില്‍ ആകും എന്നും കൈനടി പോലീസ് ഇന്സ്പെക്ടര് അറിയിച്ചു.
കൈനടി പോലീസ് സ്റ്റേഷന്‍ ഇന്സ്പെക്ടര് ബാലന്‍ കെ. യുടെ നേതൃത്വത്തില്‍ പോലീസ് സബ്ബ് ഇന്സ്പെക്ടര് ഷിബു.എസ്, സിവില്‍ പോലീസ് ഉദ്യോഗസ്ഥരായ സംജിത്ത്, അനൂപ്, സനീഷ് എന്നിവര്‍ ചേര്‍ന്നാണ് പ്രതികളെ അറസ്സ് ചെയ്തത്, കോടതിയില്‍ ഹാജരാക്കി റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: