മെൽബൺ: ചില ഇന്ത്യൻ വിദ്യാർത്ഥികൾ തമ്മിലുള്ള വഴക്കിനിടെ ഓസ്‌ട്രേലിയയിൽ ഇന്ത്യയിൽ നിന്നുള്ള 22 കാരനായ എംടെക് വിദ്യാർത്ഥി കുത്തേറ്റു മരിച്ചു. കൊലപാതകവുമായി ബന്ധപ്പെട്ട് രണ്ട് ഇന്ത്യൻ വംശജരായ സഹോദരങ്ങൾക്ക് വേണ്ടി പോലീസ് തിരച്ചിൽ തുടങ്ങി.
ഹരിയാനയിലെ കർണാൽ സ്വദേശിയും മെൽബണിൽ വിദ്യാർത്ഥിയുമായ നവജീത് സന്ധുവാണ് കുത്തേറ്റ് മരിച്ചത്.
മരിച്ചയാളുടെ അമ്മാവൻ യഷ്‌വീർ പറയുന്നതനുസരിച്ച്, വാടക പ്രശ്‌നത്തിൽ ഏതാനും ഇന്ത്യൻ വിദ്യാർത്ഥികൾ തമ്മിലുള്ള തർക്കത്തിൽ ഇടപെടാൻ ശ്രമിച്ച നവജീത് സന്ധുവിനെ മറ്റൊരു വിദ്യാർത്ഥി കത്തികൊണ്ട് മാരകമായി ആക്രമിച്ചു.
നവ്‌ജീതിന്റെ സുഹൃത്ത് (മറ്റൊരു ഇന്ത്യൻ വിദ്യാർത്ഥി) കാറുള്ളതിനാൽ വീട്ടിലേക്ക് സാധനങ്ങൾ എടുക്കാൻ അവനെ അനുഗമിക്കാൻ ആവശ്യപ്പെട്ടിരുന്നു. സുഹൃത്ത് അകത്തേക്ക് പോയപ്പോൾ, ചില നിലവിളി കേട്ട് നവജീത് സംഘർഷം നടക്കുന്നത് കണ്ടു. നവജീത് ഇടപെടാൻ ശ്രമിച്ചു.
അവരോട് വഴക്ക് കൂടരുതെന്ന് ആവശ്യപ്പെട്ടപ്പോൾ പ്രതികളിലൊരാൾ സന്ധുവിന്റെ നെഞ്ചിൽ കത്തികൊണ്ട് മാരകമായി കുത്തുകയായിരുന്നു. സംഭവസ്ഥലത്ത് വച്ച് തന്നെ സന്ധു കൊല്ലപ്പെട്ടു.
പ്രതികരിക്കാൻ ഇവിടെ എഴുതുക: