കുപ്വാര: ജമ്മു കശ്മീര് കുപ്വാരയില് ഗുരുതരാവസ്ഥയില് കഴിഞ്ഞിരുന്ന രോഗിക്ക് സഹായ ഹസ്തവുമായി ഭാരത സൈന്യം. നിയന്ത്രണ രേഖയ്ക്ക് സമീപത്തെ ചെറിയ ഗ്രാമത്തിലേതാണ് രോഗി.
കനത്ത മഞ്ഞുവീഴ്ചയും പ്രതികൂല കാലാവസ്ഥയും മൂലം പ്രദേശത്തേയ്ക്കുള്ള യാത്രയ്ക്ക് തടസം നേരിട്ടിരുന്നു. രോഗിയെ കുറിച്ചറിഞ്ഞ ഭാരത സൈന്യം ഉടനെത്തി പ്രാഥമിക ചികിത്സ നല്കിയശേഷം ഇവരെ അടുത്തുള്ള ആശുപത്രിയില് ചികിത്സയ്ക്കെത്തിച്ചു. ചിനാര് സൈനിക വിഭാഗത്തിന്റെ നേതൃത്വത്തിലായിരുന്നു രക്ഷാപ്രവര്ത്തനം.
വിശദാംശങ്ങള് പുറത്തുവിട്ടിട്ടില്ല. സൈന്യത്തിന്റെ ഈ പ്രവര്ത്തനത്തിന് സമൂഹ മാധ്യമങ്ങളില് നിരവധിപേരാണ് അഭിനന്ദിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: