ദുബായിൽ പ്രവാസി ഇന്ത്യക്കാർക്കായി ഓപ്പൺ ഹൗസ് സംഘടിപ്പിച്ചു ; വ്യവസായികളടക്കം പ്രമുഖർ പങ്കെടുത്തു

ദുബായ് : പ്രവാസി ഇന്ത്യക്കാർക്കായി ദുബായിൽ മെയ് 4 ന് ഓപ്പൺ ഹൗസ് സംഘടിപ്പിച്ചു. ദുബായിലെ ഇന്ത്യൻ കോൺസുലേറ്റ് ആണ് ഇക്കാര്യം അറിയിച്ചത്.

ദുബായിലെ ഇന്ത്യൻ കോൺസുലേറ്റിലെ ഓഡിറ്റോറിയത്തിൽ വെച്ച് മെയ് 4-ന് രാവിലെ 11 മുതൽ ഉച്ചയ്‌ക്ക് 1 മണിവരെയാണ് ഈ ഓപ്പൺ ഹൗസ്. ഈ ഓപ്പൺ ഹൗസിൽ ദുബായിലെയും, നോർത്തേൺ എമിറേറ്റുകളിലെയും പ്രവാസി ഇന്ത്യക്കാർക്ക് കോൺസൽ ജനറൽ, കോൺസുലേറ്റ് ഉദ്യോഗസ്ഥർ എന്നിവരുമായി സംവദിക്കുന്നതിന് അവസരം ലഭിച്ചു.

തദവസരത്തിൽ തങ്ങളുടെ വിവിധ പ്രശ്നങ്ങൾ പങ്ക് വെക്കുന്നതിനും അവസരം ലഭിക്കുകയുണ്ടായി. കോൺസൽ ജനറലും മറ്റ് ഉദ്യോഗസ്ഥരും പ്രവാസികളോടൊപ്പം ചേർന്ന് കമ്മ്യൂണിറ്റി അംഗങ്ങളുടെ പ്രശ്നങ്ങൾ പരിഹരിച്ചു.

ഓപ്പൺ ഹൗസിൽ പങ്കെടുക്കുന്നതിന് മുൻ‌കൂർ അനുമതി ആവശ്യമുണ്ടായിരുന്നില്ല. ദുബായിലെ ഇന്ത്യൻ കോൺസുലേറ്റിൽ നേരിട്ടെത്തിക്കൊണ്ട് ഈ ഓപ്പൺ ഹൗസിൽ പങ്കെടുക്കാവുന്ന രീതിയിലാണ് സംഘടിപ്പിച്ചത്. വ്യവസായി പ്രമുഖരടക്കം നിരവധിപേർ പരിപാടിയിൽ പങ്കെടുത്തു.