ന്യൂദല്‍ഹി: കുപ്രസിദ്ധ കുറ്റവാളി മുഹമ്മദ് ഫൈജാനെ ദല്‍ഹി പോലീസ് അറസ്റ്റ് ചെയ്തു. നിരവധി കുറ്റകൃത്യങ്ങളില്‍ പങ്കുള്ള ഗോഗി അധോലോക സംഘത്തിലെ അംഗമാണ് ഫൈജാന്‍.
ആറ് കൊലപാതകക്കേസുകളില്‍ പ്രതിയാണ്. ഒന്നിലധികം ജാമ്യമില്ല അറസ്റ്റ് വാറന്റുകള്‍ ഫൈജാന്റെ പേരിലുണ്ട്. ഇന്നലെ പുലര്‍ച്ചെ രണ്ടരയ്‌ക്ക് മോട്ടോര്‍ ബൈക്കില്‍ ജാപ്പനീസ് പാര്‍ക്കിനടുത്തെത്തിയ ഫൈജാനെ ദല്‍ഹി പോലീസിന്റെ പ്രത്യേക സംഘം വളഞ്ഞു. ഫൈജാന്‍ പോലീസിനു നേരെ വെടിവച്ചു. പോലീസ് തിരികെ നിറയൊഴിച്ചു. കുറച്ചു നേരത്തെ ഏറ്റുമുട്ടലിനു ശേഷമാണ് ഫൈജാനെ അറസ്റ്റ് ചെയ്യാനായത്. തോക്കും വെടിയുണ്ടകളും പിടിച്ചെടുത്തു. ഫൈജാനെ അശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: