കൊച്ചി : നവജാത ശിശുവിനെ ഫ്ളാറ്റില് നിന്ന് താഴേക്ക് എറിഞ്ഞ് കൊലപ്പെടുത്തിയ കേസില്‍, യുവതി ഗര്‍ഭം ധരിച്ചത് ഇന്‍സ്റ്റഗ്രാം വഴി പരിചയപ്പെട്ട ആളില്‍ നിന്നാണെന്ന് പെണ്‍കുട്ടി മൊഴി നല്‍കി. നര്‍ത്തകനാണ് തൃശൂര്‍ സ്വദേശി യുവാവ്. ഇയാളെ ഇപ്പോള്‍ കാണാനില്ലെന്നും യുവതി പറഞ്ഞു. നിര്‍ബന്ധപൂര്‍വം തന്നെ ലൈംഗികമായി പീഡിപ്പിച്ചു എന്നാണ് യുവതിയുടെ മൊഴി.
വെളളിയാഴ്ച പുലര്‍ച്ചെ 5 മണിയോടെയാണ് പെണ്‍കുട്ടി ഫ്ളാറ്റിലെ ശുചിമുറിയില്‍ പ്രസവിക്കുന്നത്. പിന്നാലെ കുഞ്ഞിനെ ബെഡ്ഷീറ്റ് കൊണ്ട് ആമസോണ്‍ ഡെലിവറി കവറില്‍ പൊതിഞ്ഞ് താഴേക്ക് എറിയുകയായിരുന്നു. എന്നാല്‍ ലക്ഷ്യം തെറ്റി കുഞ്ഞ് റോഡില്‍ വീണു. നിലവില്‍ പെണ്‍കുട്ടി ആശുപത്രിയില്‍ ചികിത്സയിലാണ്. പെണ്‍കുട്ടിക്ക് വൈദ്യസഹായം നല്‍കേണ്ടതുണ്ട്.
ആമസോണ്‍ ഡെലിവറി കവറിലെ വിലാസം കേന്ദ്രീകരിച്ചുള്ള അന്വേഷണമാണ് പൊലീസിനെ യുവതിയിലേക്ക് എത്തിച്ചത്. പതിനഞ്ച് വര്‍ഷമായി യുവതിയുടെ കുടുംബം ഫ്‌ലാറ്റില്‍ താമസിച്ചിരുന്നു. മകള്‍ ഗര്‍ഭിണിയാണെന്ന വിവരം മാതാപിതാക്കള്‍ക്ക് അറിയില്ലായിരുന്നു എന്നാണ് നിഗമനം.
രാവിലെ എട്ടു മണിയോടെയാണ് കൊച്ചി പനമ്പിള്ളിയിലെ വിദ്യാനഗറിലെ ഫ്ളാറ്റിനു മുന്നില്‍ നിന്ന് നവജാത ശിശുവിന്റെ മൃതദേഹം കണ്ടെത്തിയത്. നടുറോഡില്‍ ദിവസങ്ങള്‍ മാത്രം പ്രായമുള്ള ആണ്‍കുഞ്ഞിന്റെ മൃതദേഹം കണ്ടെത്തിയ നാട്ടുകാര്‍ വിവരം പൊലീസിനെ അറിയിക്കുകയായിരുന്നു. ഫ്ളാറ്റില് നിന്ന് കുഞ്ഞിനെ താഴേക്ക് എറിയുന്നതിന്റെ സിസിടിവി ദൃശ്യങ്ങളും പൊലീസിന് ലഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: