ലഖ്നൗ: ഇപ്പോള്‍ കോണ്‍ഗ്രസിനെ നയിക്കുന്ന കെ.സി. വേണുഗോപാലിന് വടക്കേയിന്ത്യയിലെ അഞ്ച് ഒബിസി ജാതികളുടെ പേര് പറയാന്‍ പറഞ്ഞാല്‍ അതിന് കഴിയില്ലെന്ന് പരിഹസിച്ച് മാധ്യമപ്രവര്‍ത്തകന്‍ ദീപക് ചൗരാസ്യ. മറ്റു പിന്നാക്ക വിഭാഗങ്ങള്‍ക്ക് (ഒബിസി) വേണ്ടിയുള്ള കോണ്‍ഗ്രസിന്റെ വാദം തട്ടിപ്പാണെന്നും ദീപക് ചൗരാസ്യ പറഞ്ഞു.
കഴിഞ്ഞ ദിവസം സീ ടിവിയില്‍ നടത്തിയ ചാനല്‍ ചര്‍ച്ചയ്‌ക്കിടയില്‍ ഒബിസിക്കാരനായ മാധ്യമപ്രവര്‍ത്തകനായിട്ടും തന്നെ 2004ല്‍ രാഹുല്‍ഗാന്ധിയുടെയും സോണിയാഗാന്ധിയുടെയും നേതൃത്വത്തില്‍ അധികാരത്തില്‍ എത്തിയ കോണ്‍ഗ്രസ് പിരിച്ചുവിട്ടുവെന്നും ദീപക് ചൗരാസ്യ തുറന്നടിച്ചിരുന്നു. കെ.സി. വേണുഗോപാലാണ് ഇപ്പോള്‍ രാഹുല്‍ഗാന്ധിയ്‌ക്ക് പകരക്കാരനായി കോണ്‍ഗ്രസിനെ ഭരിക്കുന്നതെന്നും ഈ കെ.സി. വേണുഗോപാല്‍ ഒബിസി പ്രേമം പറയുന്നുണ്ടെങ്കിലും ഉത്തരേന്ത്യന്‍ സംസ്ഥാനങ്ങളിലെ അഞ്ച് ഒബിസി ജാതികള്‍ ഏതെന്ന് പറയാന്‍ അറിയാത്ത നേതാവാണെന്നും ദീപക് ചൗരാസ്യ തുറന്നടിച്ചിരുന്നു.
കോണ്‍ഗ്രസിന്റെ ഒബിസി പ്രേമത്തിന് പിന്നിലെ കാപട്യം തുറന്നുകാട്ടുകയായിരുന്നു ദീപക് ചൗരാസ്യ. എന്തിന് രാഹുല്‍ഗാന്ധിയുടെ രാഷ്‌ട്രീയ ഉപദേശകനായ ജയ്റാം രമേശിനും അഞ്ച് ഒബിസി ജാതികളുടെ പേര് പറയാന്‍ കഴിയില്ലെന്നും ദീപക് ചൗരാസ്യ പരിഹസിച്ചിരുന്നു.
പ്രതികരിക്കാൻ ഇവിടെ എഴുതുക: