തൃശൂർ: ക്ഷേത്രോത്സവങ്ങളിൽ തുടർച്ചയായി പൊലീസ് ഇടപെടലുകൾ രൂക്ഷമാകുന്നതായി പരാതി. കൂടൽമാണിക്യം ക്ഷേത്രോത്സവത്തിലാണ് സംഭവം.എക്സിബിഷൻ ഗ്രൗണ്ടിൽ രാത്രി കടകളിലെ ലൈറ്റ് നിർബന്ധിച്ച് ഓഫ് ചെയ്യിപ്പിച്ചിരുന്നു. വിനോദ ഉപകരണങ്ങളുടെ പ്രവർത്തനവും തടസ്സപ്പെടുത്തിയെന്നുമാണ് പരാതി.
ഈ സമയം നൂറ് കണക്കിന് ആളുകളാണ് ഇവിടെ എത്തിയിരുന്നത്. സമയം അതിക്രമിച്ചെന്നും തിരക്കിൽ സംഘർഷ സാഹചര്യം ഒഴിവാക്കുന്നതിനും വേണ്ടിയാണ് ലൈറ്റ് ഓഫ് ചെയ്യാൻ നിർദ്ദേശിച്ചതെന്ന് പൊലീസ് പറയുന്നു.
പത്ത് ദിവസവും 24 മണിക്കൂറും തുടർച്ചെയൂള്ള പരിപാടികൾ കൂടൽമാണിക്യം ക്ഷേത്രത്തിൽ സംഘടിപ്പിക്കാറുണ്ട്.ഇതിനാൽ തന്നെ രാത്രി വിളക്കെഴുന്നള്ളിപ്പിന് ശേഷം പുലർച്ചെ വരെ പ്രദേശത്ത് ഭക്തജനത്തിരക്ക് അനുഭവപ്പെടാറുണ്ട്. ഇതുവരെയും ഏർപ്പെടുത്താത്ത നിയന്ത്രണങ്ങളാണ് ഇക്കുറി ഉണ്ടായിരിക്കുന്നത്.
