ഷാർജ : ദുബായ് – ഷാർജ ഇന്റർസിറ്റി ബസ് സർവീസ് പുനരാരംഭിച്ചതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (ആർറ്റിഎ) അറിയിച്ചു. ഏപ്രിൽ 26-നാണ് ആർറ്റിഎ ഇത് സംബന്ധിച്ച അറിയിപ്പ് നൽകിയത്.
ഏപ്രിൽ 16-നുണ്ടായ കനത്ത മഴയെത്തുടർന്ന് ഈ ഇന്റർസിറ്റി സർവീസുകൾ നിർത്തിവെച്ചിരിക്കുകയായിരുന്നു.
ദുബായ് – ഷാർജ ഇന്റർസിറ്റി ബസ് സർവീസുകൾ:
റൂട്ട് E303 – ദുബായിലെ യൂണിയൻ സ്‌ക്വയർ മെട്രോ സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേക്ക്.
റൂട്ട് E307 – ദുബായിലെ ദെയ്‌റ സിറ്റി സെന്റർ ബസ് സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേക്ക്.
റൂട്ട് E307A – ദുബായിലെ അബു ഹൈൽ മെട്രോ സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേക്ക്.
റൂട്ട് E306 – ദുബായിലെ ഗുബൈബ ബസ് സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേക്ക്.
റൂട്ട് E315 – ദുബായിലെ യൂണിയൻ എത്തിസലാത് മെട്രോ സ്റ്റേഷനിൽ നിന്ന് ഷാർജയിലെ മുവൈല ബസ് സ്റ്റേഷനിലേക്ക്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: