സിർസി : അയോധ്യയിൽ രാമക്ഷേത്രം പണിയാനുള്ള ക്ഷണം നിരസിച്ചവരെ ഇപ്പോൾ നടക്കുന്ന ലോക്സഭാ തിരഞ്ഞെടുപ്പിൽ ജനങ്ങൾ തള്ളിക്കളയുമെന്ന് പ്രധാനമന്ത്രി നരേന്ദ്ര മോദി. കർണാടകയിലെ സർസിയിൽ നടന്ന റാലിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.
പ്രാണ പ്രതിഷഠ ചടങ്ങിൽ പങ്കെടുക്കാത്തതിന് കോൺഗ്രസ് പാർട്ടിയെ പരാമർശിക്കുകയായിരുന്നു അദ്ദേഹം. രാജ്യം സ്വാതന്ത്ര്യം നേടിയതിന്റെ അടുത്ത ദിവസം തന്നെ രാമക്ഷേത്രം നിർമിക്കുന്ന കാര്യത്തിൽ തീരുമാനമെടുക്കേണ്ടതായിരുന്നുവെന്നും മോദി പറഞ്ഞു.
രാമക്ഷേത്രം നിർമ്മിക്കില്ലെന്ന് ഉറപ്പാക്കാൻ അതേ ശക്തികൾ അവസാന നിമിഷം വരെ ശ്രമിച്ചുവെന്നും കഴിഞ്ഞ ദിവസവും കോടതിയെ സമീപിച്ചിട്ടുണ്ടെന്നും അദ്ദേഹം ആരോപിച്ചു. വിഷയത്തിൽ കോൺഗ്രസിനെ ലക്ഷ്യമിട്ട് കൊണ്ടായിരുന്നു അദ്ദേഹത്തിന്റെ ഈ പരാമർശം.
