എറണാകുളം: പാലാരിവട്ടത്ത് അടിപിടിയെ തുടര്ന്ന് കുത്തേറ്റ് ഒരു മരണം. തമ്മനം എകെജി കോളനിയിലെ മനീഷ് ആണ് മരിച്ചത്.
പരുക്കേറ്റ അജിത് സ്വകാര്യ ആശുപത്രിയില് ചികിത്സയിലാണ്. ഞായറാഴ്ച പുലര്ച്ചെയാണ് സംഭവം.
ഏതാനും ദിവസങ്ങളായി പ്രദേശത്ത് യുവാക്കള് തമ്മില് ഏറ്റുമുട്ടലും സംഘര്ഷവുമുണ്ടായിരുന്നു. ഇതാണ് ഇന്ന് മനീഷിന്റെ മരണത്തിലേക്ക് നയിച്ചത് എന്നാണ് സൂചന.
എന്താണ് സംഘര്ഷത്തിന് കാരണമെന്ന് പൊലീസ് അന്വേഷിച്ചുവരികയാണ്. കൊലപാതകത്തെ തുടര്ന്ന് ജിതേഷ്, ആഷിഖ് എന്നിവരെ പൊലീസ് കസ്റ്റഡിയിലെടുത്തിട്ടുണ്ട്.
