ബര്ലിന് : ജര്മനിയിലെ നാസി സ്വേച്ഛാധിപതിയായിരുന്ന അഡോള്ഫ് ഹിറ്റ്ലറിന്റെ ജന്മവാര്ഷിക ദിനത്തില് വെളുത്ത പൂക്കളര്പ്പിച്ച് ഹിറ്റ്ലര് സല്യൂട്ട് നല്കിയ നാല് ജര്മന്കാരെ ഓസ്ട്രിയന് പൊലീസ് പിടികൂടി. പടിഞ്ഞാറന് ഓസ്ട്രിയയില് ഹിറ്റ്ലര് ജനിച്ച വീട്ടിലെത്തിയാണ് ഇവര് സല്യൂട്ട് നല്കിയത്.
അഡോള്ഫ് ഹിറ്റ്ലര് ജനിച്ചത് 1889 ഏപ്രില് 20-നാണ് . ശനിയാഴ്ച രാവിലെ ഹിറ്റ്ലറുടെ ജന്മഗൃഹത്തില് എത്തിയ രണ്ട് സഹോദരിമാരും അവരുടെ പങ്കാളികളും വെളുത്ത പനിനീര്പുഷ്പങ്ങള് അര്പ്പിച്ചു. നാലു പേരും ഫോട്ടോ എടുക്കവെ കൂട്ടത്തിലൊരു വനിത ഹിറ്റ്ലര് സല്യൂട്ട് ചെയ്യുന്ന രീതിയില് സല്യൂട്ട് ചെയ്യുകയായിരുന്നു.
ഇതു ശ്രദ്ധയില്പെട്ട പൊലീസ് ഉടന് തന്നെ നാലു പേരെയും കസ്റ്റഡിയിലെടുത്തു. തമാശയ്ക്കാണ് സല്യൂട്ട് നല്കിയതെന്ന് സ്ത്രീ പറഞ്െങ്കിലും പൊലീസ് ഇക്കാര്യം തള്ളി.
