മോദിയുടെ തുടർഭരണം കാണാൻ ജനം ആഗ്രഹിക്കുന്നു; വോട്ട് ചെയ്യാൻ ആഹ്വാനം ചെയ്ത് കേന്ദ്രമന്ത്രി നിർമ്മല സീതാരാമൻ

ബംഗളൂരു: വോട്ട് ചെയ്യാൻ ജനങ്ങളോട് ആഹ്വാനം ചെയ്ത് കേന്ദ്രമന്ത്രി നിർമ്മല സീതാരാമൻ. ബെംഗളുരുവിന് ഇത് ഒരു ചൂടുള്ള ദിവസമായിരിക്കാം, പക്ഷേ എല്ലാവരും വീടുകളിൽ നിന്ന് പുറത്തിറങ്ങി വോട്ട് ചെയ്യണം. നിങ്ങളുടെ സമയം തിരഞ്ഞെടുക്കുക, ദയവായി വന്ന് വോട്ട് ചെയ്യുക,” സീതാരാമൻ പറഞ്ഞു. ബംഗളൂരുവിലെ ബിഇഎസ് പോളിംഗ് ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അവർ.

അതിരാവിലെ വോട്ടു രേഖപ്പെടുത്താൻ ഇത്രയധികം ജനങ്ങൾ ഇവിടെ വരുന്നത് കാണുപ്പോൾ വളരെയധികം സന്തോഷം . ഇനിയും ധാരാളം ആളുകൾ വോട്ട് ചെയ്യണമെന്ന് താൻ ആഗ്രഹിക്കുന്നു. ജനങ്ങൾക്ക് നല്ല നയങ്ങളും പുരോഗതിയും വികസനവും ആവശ്യമാണ്. അതിനായി ആളുകൾ ഇന്ന് പുറത്തു വരുന്നു. പ്രധാനമന്ത്രി മോദി തന്റെ ഭരണം തുടരുന്നത് കാണാൻ ജനങ്ങൾ ആഗ്രഹിക്കുന്നു എന്ന് നിർമ്മല സീതാരാമൻ പറഞ്ഞു.

ലോക്‌സഭാ തിരഞ്ഞെടുപ്പിന്റെ രണ്ടാം ഘടത്തിൽ കർണാടകയിലെ 14 മണ്ഡലങ്ങളിലാണ് ഇന്ന് വോട്ടെടുപ്പ് നടക്കുന്നത്. രണ്ടാം ഘടത്തിൽ 13 സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും 88 മണ്ഡലങ്ങളിൽ രാവിലെ ഏഴ് മണിക്ക് വോട്ടെടുപ്പ് ആരംഭിച്ചതായി തിരഞ്ഞെടുപ്പ് കമ്മീഷൻ അറിയിച്ചു.