കണ്ണൂര്: ബിജെപി മുന് സംസ്ഥാന അധ്യക്ഷനായിരുന്ന കെ. ജി. മാരാര്ക്ക് സ്മരണാഞ്ജലി അര്പ്പിച്ചു. മാരാര്ജിയുടെ 34-ാമത് ചരമവാര്ഷിക അനുസ്മരണം വിവിധ പരിപാടികളോടെ ആചരിച്ചു.
രാവിലെ ഒന്പതിന് കണ്ണൂര് പയ്യാമ്പലത്തെ സ്മൃതി കുടീരത്തില് പുഷ്പാര്ച്ചന നടത്തി. തുടര്ന്ന് ബിജെപി ജില്ലാ കമ്മിറ്റി ഓഫീസായ മാരാര്ജി ഭവനില് പുഷ്പാര്ച്ചനയും അനുസ്മരണവും നടന്നു.
അനുസ്മരണ യോഗത്തില് ബിജെപി ദേശീയ ഉപാധ്യക്ഷന് എ.പി. അബ്ദുള്ളക്കുട്ടി അനുസ്മരണ പ്രഭാഷണം നടത്തി. ബിജെപി ദേശീയ സമിതി അംഗം സി. രഘുനാഥ്, ജില്ലാ ജനറല് സെക്രട്ടറി ബിജു ഏളക്കുഴി, ജില്ലാ ട്രഷറര് യു.ടി. ജയന്തന്, ജില്ലാ വൈസ് പ്രസിഡന്റ് പി.ആര്. രാജന്, എസ്ടി മോര്ച്ച സംസ്ഥാന ട്രഷറര് കെ. രതീശന്, ബിജെപി കണ്ണൂര് മണ്ഡലം പ്രസിഡന്റ് അര്ച്ചന വണ്ടിച്ചാല്, സി. സെലീന തുടങ്ങിയവര് സംബന്ധിച്ചു.
